Ruturaj Gaikwad News: దక్షిణాఫ్రికాతో వన్డే సిరీస్కు ఇటీవలే జట్టును ప్రకటించింది బోర్డు. ఈ నేపథ్యంలో జట్టు కూర్పుపై తన అభిప్రాయాన్ని తెలిపాడు టీమ్ఇండియా మాజీ క్రికెటర్, వ్యాఖ్యాత ఆకాశ్ చోప్రా. శిఖర్ ధావన్ జట్టులోకి రావడం ఎంతో సంతోషంగా ఉందని అన్నాడు. రుతురాజ్ తుది జట్టులో ఆడకపోవచ్చని అభిప్రాయపడ్డాడు.
"ధావన్ జట్టులో ఉండాలని ఎప్పటి నుంచి అంటున్నా. అతడికి, రోహిత్ శర్మ, కేఎల్ రాహుల్ మధ్య తీవ్ర పోటీ ఉంటుంది. ఓపెనర్గా ధావన్ ఉంటే జట్టుకు ప్రయోజకరం. అతడు రాహుల్తో కలిసి ఓపెనింగ్ చేయాలి. మూడో స్థానంలో కోహ్లీ ఉంటాడు. అశ్విన్ రాకతో బౌలింగ్ విభాగం మరింత బలపడింది. రుతురాజ్ గైక్వాడ్ ఒక సంచలనం. ఈ సీజన్ ఐపీఎల్, విజయ్ హజారే ట్రోఫీలో అతడు అద్భుత ప్రదర్శన చేశాడు. అయితే అతడికి తుది జట్టులో చోటు దక్కకపోవచ్చు. ఎందుకంటే జట్టులో రాహుల్, ధావన్, కోహ్లీ, సూర్యకుమార్, పంత్ వంటి ఆటగాళ్లంతా ఉన్నారు కాబట్టి రుతురాజ్కు అవకాశం రాకపోవచ్చు. ఇక వెంకటేశ్ అయ్యర్ లోయర్ ఆర్డర్లో ఎలాగో ఉంటాడు" అని ఆకాశ్ పేర్కొన్నాడు.