టీ20 ప్రపంచకప్‌లో భాగంగా జింబాబ్వేతో జరిగిన మ్యాచ్లో విజయం సాధించిన టీమ్ఇండియా సూపర్-12 గ్రూప్-2లో అగ్రస్థానానికి చేరుకుంది. సెమీస్కు అర్హత సాధించింది. ఈ సెమీఫైనల్లో భాగంగా 10వ తేదీన ఇంగ్లాండ్తో తలపడేందుకు సిద్ధమవుతోంది. అయితే జింబాబ్వేతో జరిగిన మ్యాచ్లో మైదానంలో ఊహించని సంఘటన ఒకటి జరిగింది. భారత్‌కు చెందిన ఓ అభిమాని తన హీరో రోహిత్ శర్మను కలవాలని ఆశపడ్డాడు. అంతే.. భద్రతా సిబ్బంది కళ్లుగప్పి మైదానంలోకి దూసుకెళ్లాడు.
గమనించిన అధికారులు అతడి వెనక పరుగులు తీసి పట్టుకున్నారు. ఈ క్రమంలో రోహిత్‌ను చూస్తూనే అభిమాని ఉద్వేగానికి గురై కన్నీళ్లు పెట్టుకున్నాడు. అయితే, అతడు రోహిత్‌ను కలవకముందే సిబ్బంది పట్టుకుని బయటకు తీసుకెళ్లారు. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది.