Rohit comment on players mental health: టీమ్ఇండియా ఆటగాళ్లలో ప్రతి వ్యక్తి మానసిక స్థితి భిన్నంగా ఉంటుందన్నారు కెప్టెన్ రోహిత్ శర్మ. సమస్యను ఎదుర్కొనేటప్పుడు ఒక్కొక్కరు ఒక్కొ రకంగా ఆలోచిస్తారని అభిప్రాయపడ్డాడు రోహిత్. స్టార్ స్పోర్ట్స్తో పలు విషయాలను షేర్ చేసుకున్నాడు రోహిత్ శర్మ.
ఆసియా కప్ ఆరంభం నేపథ్యంలో టీమ్ఇండియా స్టార్ బ్యాటర్ విరాట్ కోహ్లీ ఓ క్రీడా ఛానల్కు ఇచ్చిన ఇంటర్వ్యూలో తన వ్యక్తిగత విషయాలను తెలిపాడు. 'గత పదేళ్లలో నెల రోజుల పాటు నేను బ్యాట్‌ను పట్టుకోకుండా ఉండటం ఇదే తొలిసారి. ఇటీవల కొన్ని రోజుల పాటు నా సామర్థ్యాన్ని తప్పుగా చూపించేందుకు ప్రయత్నిస్తున్నానని గ్రహించాను' అని కోహ్లీ అన్నారు. విరాట్ వ్యాఖ్యల నేపథ్యంలో టీమ్ఇండియా కెప్టెన్ రోహిత్ శర్మ స్పందించాడు. విరాట్ మాత్రమే కాకుండా పలువురు భారత ఆటగాళ్లు మానసిక ఒత్తిడిలో ఉన్నప్పుడు అండగా ఉన్నాడని తెలిపాడు.