Rinku Singh Autograph :ఆస్ట్రేలియాతో 5వ టీ20 ముగించుకొని తిరిగి వెళ్తున్న టీమ్ఇండియా హిట్టర్ రింకూ సింగ్కు, బెంగళూరు ఎయిర్పోర్టులో ఫ్యాన్ మూమెంట్ ఎదురైంది. సహచర టీమ్మేట్స్తో కలిసి ఎయిర్పోర్టు నుంచి బయటకు వెళ్తున్న రింకూను 'సిక్సర్ కింగ్' అంటూ పిలిచాడు ఓ అభిమాని. రింకూ వెళ్తుండగా అతడిని అటోగ్రాఫ్ అడిగాడు. రింకూ వెంటనే అతడి కోట్పై అటోగ్రాఫ్ ఇచ్చాడు. దీంతో ఆ అభిమాని సంతోషంతో రింకూకు థాంక్స్ చెప్పాడు. ఈ వీడియోను కోల్కతా నైట్రైడర్స్ జట్టు తమ అధికారిక ట్విట్టర్లో షేర్ చేసింది. ప్రస్తుతం ఈ వీడియో సోషల్ మీడియాలో వైరల్గా మారింది.
Rinku Singh vs Aus T20 2023 : ఇక రీసెంట్గా ముగిసిన ఆస్ట్రేలియా టీ20 సిరీస్లో రింకూ చెప్పుకోదగ్గ ప్రదర్శనే చేశాడు. అతడు 4 ఇన్నింగ్స్ల్లో 52.50 సగటుతో 105 పరుగులు చేశాడు. అందులో 13 ఫోర్లు, 4 సిక్స్లు ఉన్నాయి. ఇక తొలి రెండు మ్యాచ్లో అతడు వరుసగా, 22 పరుగులు (14 బంతుల్లో), 31 పరుగులు (9 బంతుల్లో) స్కోర్లు సాధించి టీమ్ఇండియా విజయంలో కీలక పాత్ర పోషించాడు.
Rinku singh International Debut : ఈ ఏడాది ఐర్లాండ్ పర్యటనతో రింకూ జాతీయ జట్టులోకి వచ్చాడు. ఇక డిసెంబర్లో సౌతాఫ్రికా పర్యటనలో టీ20, వన్డే మ్యాచ్లకూ రింకూ ఎంపికయ్యాడు. ఈ పర్యటనలో టీమ్ఇండియా, సఫారీ గడ్డపై 3 టీ20, 3 వన్డే, 2 టెస్టు మ్యాచ్లు ఆడనుంది. తొలి టీ20 డిసెంబర్ 10న ప్రారంభం కానుంది.