2023 World Cup Semis Umpires :2023 వరల్డ్కప్లో అసలైన సమరానికి సమయం ఆసన్నమైంది. 10 జట్లు పోటీపడిన ఈ టోర్నీలో.. చివరికి 4 జట్లు టైటిల్ రేస్లో నిలిచాయి. ఈ క్రమంలో నవంబర్ 15, 16న రెండు సెమీఫైనల్ మ్యాచ్లు జరగనున్నాయి. సెమీస్లో నెగ్గిన రెండు జట్లు ఫైనల్ పోరు అర్హత సాధిస్తాయి. అయితే ఈ రెండు సెమీస్కు సంబంధించి మ్యాచ్ రిఫరీలను ఐసీసీ అధికారికంగా ప్రకటించింది.
సెమీఫైనల్ - 1.. తొలి సెమీస్లో భారత్ - న్యూజిలాండ్ పోటీపడనున్నాయి. ఈ ప్రతిష్ఠాత్మకమైన పోరుకు ముంబయి వాంఖడే స్టేడియం వేదికకానుంది. ఇక ఈ మ్యాచ్కు రిచర్డ్ ఇల్లింగ్వర్త్ - రాడ్ టక్కర్ ఫీల్డ్ అంపైర్లుగా వ్యవహరించనున్నారు. జోయెల్ విల్సన్ థర్డ్ అంపైర్ కాగా.. ఆడ్రియన్ హోల్డ్స్టాక్ ఫోర్త్ అంపైర్. ఇక ఆండి పైక్రాఫ్ట్ మ్యాచ్ రిఫరీగా వ్యవహరించనున్నారు.
సెమీఫైనల్ - 2.. రెండో సెమీస్లో ఆస్ట్రేలియా - సౌతాఫ్రికా తలపడనున్నాయి. ఈ మ్యాచ్ కోల్కతా ఈడెన్ గార్డెన్స్ వేదికకా జరగనుంది. ఈ మ్యాచ్లో రిచర్డ్ కెటిల్ బోరొగ్ - నితిన్ మీనన్ ఫీల్డ్ అంపైర్లు ఉండనున్నారు. క్రిస్ గఫ్పాని థర్డ్ అంపైర్గా, మైఖెల్ గాఫ్ ఫోర్త్ అంపైర్గా వ్యవహరించనున్నారు. ఇక మ్యాచ్ రిఫరీగా జవగల్ శ్రీనాథ్ ఉండనున్నారు.