'ఆత్మవిశ్వాసం నింపడంలో శాస్త్రిని మించినవారు లేరు'

టీమ్​ఇండియా ప్రధాన కోచ్​ రవిశాస్త్రి, బౌలింగ్ కోచ్ భరత్​ అరుణ్​లపై ప్రశంసలు కురిపించాడు మాజీ క్రికెట్ దిగ్గజం సునీల్ గావస్కర్. యువ క్రికెటర్లలో ఆత్మవిశ్వాసం నింపడంలో రవిశాస్త్రికి మించిన వారు లేరని పేర్కొన్నాడు.

టీమ్ఇండియా కోచ్ రవిశాస్త్రిపై ప్రశంసలు కురిపించాడు భారత మాజీ దిగ్గజం సునీల్ గావస్కర్. యువకులలో ఆత్మవిశ్వాసం నింపడంలో అతడిని మించిన వారు లేరని తెలిపాడు. యువ క్రికెటర్లను తీర్చి దిద్దడంలో అతడి ప్రతిభ నమ్మశక్యంగా లేదని పేర్కొన్నాడు. '1971: ది బిగినింగ్ ఆఫ్ ఇండియాస్ క్రికెటింగ్ గ్రేట్​నెస్​' పుస్తకావిష్కరణ వర్చువల్ సమావేశంలో గావస్కర్ పాల్గొన్నాడు.

"ప్రాక్టీస్ సెషన్ తర్వాత ఓ 10-15 నిమిషాలు రవిశాస్త్రి యువ క్రికెటర్లతో మాట్లాడితే చాలు వారిలో ఆత్మవిశ్వాసం పెరుగుతుంది. ఇది నమ్మశక్యంగా లేదు. ఒక్కసారి యువకుల సామర్థ్యాలను, ప్రతిభను రవి గుర్తించాడంటే చాలు.. వారిని ప్రోత్సాహించడానికి అతడిని మించిన వ్యక్తి లేడు. ఏమి చేస్తే వారిలో మార్పు వస్తుందో చెప్తాడు" అని రవిశాస్త్రిని.. గావస్కర్ పొగడ్తలతో ముంచెత్తాడు.

ఇదీ చదవండి:ప్రజలకు 'ఆరెంజ్​ ఆర్మీ' కొవిడ్ సందేశం

టీమ్​ఇండియా బౌలింగ్​ కోచ్ భరత్​ అరుణ్​పైనా గావస్కర్​ ప్రశంసల జల్లు కురిపించాడు. ఆస్ట్రేలియా పర్యటనలో భారత బౌలర్ల ప్రదర్శన ఆకట్టుకుంది. వారికి భరత్​ చక్కగా మార్గనిర్దేశం చేశాడంటూ కొనియాడాడు. "యువకులు చేయాల్సింది ఒక్కటే.. వీరిద్దరీతో వీలైనంత ఎక్కువ సమయం గడపాలి. వారికొచ్చిన సందేహాలను నివృత్తి చేసుకోవాలి. ఈ ఇద్దరిని మించిన వ్యక్తులు మరొకరు లేరు. మిమ్మల్ని నమ్మే వ్యక్తులు మీ చుట్టూ ఉన్నప్పుడు.. మీరనుకున్నది చేయగలరంటూ యువ ఆటగాళ్లను ఉద్దేశించి" గావస్కర్​ వ్యాఖ్యానించాడు. ​

ఇదీ చదవండి:హాకీ మాజీ అంపైర్​ సురేష్ ఠాకుర్ మృతి