ICC Test Rankings: టెస్టు ర్యాంకింగ్స్ను తాజాగా విడుదల చేసింది ఐసీసీ. టీమ్ఇండియా స్టార్ ఓపెనర్ రోహిత్ శర్మ(805 పాయింట్లు), కెప్టెన్ కోహ్లీ(775 పాయింట్లు) ఐదు, ఆరు స్థానాల్లోనే కొనసాగుతున్నారు. ఇంగ్లాండ్ కెప్టెన్ జో రూట్(903) తన అగ్రస్థానాన్ని కాపాడుకున్నాడు. ఇక న్యూజిలాండ్తో జరిగిన తొలి టెస్టులో సెంచరీతో మెరిసిన శ్రేయస్ అయ్యర్(105) 74వ ర్యాంకుకు, ఓపెనర్ శుభమన్ గిల్ 66వ ర్యాంకుకు, వృద్ధిమాన్ సాహా 99వ స్థానానికి చేరుకున్నారు.
ICC Test Rankings: మెరుగైన శ్రేయస్, గిల్.. టాప్-5లో జడేజా, అశ్విన్ - ఐసీసీ టెస్టు ర్యాంకింగ్స్ బుమ్రా
ICC Test Rankings: ఐసీసీ తాజాగా విడుదల చేసిన టెస్టు ర్యాంకింగ్స్ బ్యాటింగ్ విభాగంలో ఐదు, ఆరు స్థానాలను కాపాడుకున్నారు టీమ్ఇండియా క్రికెటర్లు రోహిత్ శర్మ, విరాట్ కోహ్లీ. అలాగే బౌలర్ల విభాగంలో ఒక స్థానం కోల్పోయి 10వ ర్యాంకుకు చేరాడు బుమ్రా. ఆల్రౌండర్ల విభాగంలో జడేజా, అశ్విన్ టాప్-5లో నిలిచారు.
ICC Test Rankings
బౌలింగ్ విభాగంలో పాకిస్థాన్ ఫాస్ట్ బౌలర్ షాహీన్ షా అఫ్రిది తొలిసారి కెరీర్లో టాప్-5లో చోటు దక్కించుకున్నాడు. బంగ్లాదేశ్తో జరిగిన తొలి టెస్టులో రెండు ఇన్నింగ్స్లో కలిపి ఏడు వికెట్లు తీశాడు. తొలి ఇన్నింగ్స్లో ఐదు వికెట్ల ప్రదర్శన చేశాడు. ఈ మ్యాచ్లో పాక్ ఎనిమిది వికెట్ల తేడాతో విజయం సాధించింది. ఈ విజయంలో కీలకంగా వ్యవహరించి తన అద్భుత ప్రదర్శనతో మూడు ర్యాంకులు ముందుకు జరిగి ఐదో స్థానానికి చేరుకున్నాడు. పాక్ జట్టులోని హాసన్ అలీ కూడా కెరీర్ బెస్ట్ ర్యాంకును అందుకున్నాడు. ఐదు స్థానాలు ఎగబాకి 11వ ర్యాంకులో నిలిచాడు. టీమ్ఇండియాలో రవిచంద్రన్ అశ్విన్ రెండో స్థానంలోని నిలవగా.. బుమ్రా ఒక స్థానం కిందకు జరిగి పదో ర్యాంకులో ఉన్నాడు. ఆల్రౌండర్స్ విభాగంలో జడేజా రెండు, అశ్విన్ మూడో ర్యాంకులో నిలిచారు..