వివాహ బంధంలోకి అడుగుపెట్టిన టీమ్ఇండియా క్రికెటర్

Rahul Tewatia Wedding: టీమ్ఇండియా, రాజస్థాన్ రాయల్స్ క్రికెటర్ రాహుల్ తెవాటియా వివాహ బంధంలోకి అడుగుపెట్టాడు. ప్రేయసి రిధి పన్నుతో ఇతడి వివాహం సోమవారం ఘనంగా జరిగింది.

Rahul Tewatia Wedding: టీమ్ఇండియా, రాజస్థాన్ రాయల్స్ క్రికెటర్ రాహుల్ తెవాటియా ఓ ఇంటివాడయ్యాడు. స్నేహితురాలు రిధి పన్నుతో ఇతడి వివాహం సోమవారం ఘనంగా జరిగింది. ఈ వేడుకకు టీమ్ఇండియా క్రికెటర్లు యుజ్వేంద్ర చాహల్ దంపతులు, పంత్, నితీష్ రానాతో పాటు పలువురు ప్రముఖులు హాజరయ్యారు. ఈ వేడుకకు సంబంధించిన ఫొటోలు, వీడియోలు సోషల్ మీడియాలో చక్కర్లు కొట్టడం చూసిన నెటిజన్లు.. వారికి శుభాకాంక్షలు తెలుపుతూ కామెంట్లు పెడుతున్నారు. వీరిద్దరూ ఈ ఏడాది ఫిబ్రవరి 3న నిశ్చితార్థం చేసుకున్నారు.

Rahul Tewatia IPL: గత రెండు ఐపీఎల్ సీజన్ల నుంచి రాజస్థాన్ రాయల్స్​ జట్టులో కీలక ఆటగాడిగా వ్యవహరిస్తున్నాడు తెవాటియా. 2020 సీజన్​లో కింగ్స్ ఎలెవన్ పంజాబ్ (ప్రస్తుతం పంజాబ్ కింగ్స్)తో జరిగిన మ్యాచ్​లో జట్టుకు ఒంటి చేత్తో విజయాన్ని అందించాడు. షెల్డన్ కాట్రెల్ వేసిన ఓ ఓవర్లో ఏకంగా ఐదు సిక్సులు బాది జట్టును విజయ తీరాలకు చేర్చాడు. దీంతో ఇంగ్లాండ్​తో జరిగిన టీ20 సిరీస్​లో టీమ్ఇండియాకు ఎంపికయ్యాడు. కానీ ఒక్క మ్యాచ్ కూడా ఆడలేకపోయాడు. అయినా భారత జట్టు సీనియర్ ఆటగాళ్లతో డ్రెస్సింగ్ రూమ్​ పంచుకోవడం ఇతడి ఆత్మవిశ్వాసాన్ని పెంచిందని చెప్పవచ్చు.