ఇంగ్లాండ్‌లో మరోసారి 'జాత్యహంకార' సంఘటన తలెత్తెంది. దీంతో ఆ దేశ క్రికెట్ బోర్డు అప్రమత్తమైంది. తాజాగా టీమ్ఇండియా-ఇంగ్లాండ్ జట్ల మధ్య జరుగుతున్న టెస్టు మ్యాచ్ వేదిక ఎడ్జ్‌బాస్టన్‌ స్టేడియంలోనూ జాత్యహంకార ఆరోపణలు రావడం సంచలనంగా మారింది. భారత అభిమానుల పట్ల పలువురు జాతి విద్వేష వ్యాఖ్యలు చేసినట్లు సోషల్‌ మీడియాలో వీడియో వైరల్ అయింది. దీనిపై స్పందించిన నెటిజన్లు.. ఈ ఘటనపై విమర్శలు చేశారు. దీంతో ఇంగ్లాండ్ క్రికెట్ బోర్డు స్పందించింది.
భారత ఫ్యాన్స్పై జాత్యహంకార వ్యాఖ్యలు.. స్పందించిన ఇంగ్లాండ్ బోర్డు
టీమ్ఇండియా-ఇంగ్లాండ్ మధ్య జరుగుతున్న మ్యాచ్లో భారత అభిమానుల పట్ల పలువురు జాతి విద్వేష వ్యాఖ్యలు చేయడంపై ఇంగ్లాండ్ క్రికెట్ బోర్డు అప్రమత్తమైంది. దీనిపై విచారణ చేయించి చర్యలు చేపడతానని చెప్పింది.
భారత ఫ్యాన్స్పై జాత్యహంకార వ్యాఖ్యలు
"టెస్టు మ్యాచ్ సందర్భంగా జాత్యహంకార వేధింపులకు సంబంధించి నివేదికను పరిశీలించి చర్యలు తీసుకుంటాం. సంఘటనపై పూర్తిస్థాయిలో విచారణ చేపడతాం. క్రికెట్‌లో వీటికి చోటు లేదు" అని ట్వీట్ చేసింది. జాత్యంహకార సంఘటన తలెత్తిన నేపథ్యంలో నెటిజన్లు తీవ్రస్థాయిలో స్పందించారు. ఇటువంటి సంఘటనలను ఉపేక్షించకూడదని ఖండించారు. ఇటీవలే కౌంటీల్లోనూ జాత్యహంకార ఆరోపణలతో మాజీ క్రికెటర్ అజీమ్‌ రఫీఖ్ వ్యవహారం సంచలనం రేపింది. అతడు కూడా తాజా ఘటనపై అజీమ్‌ రఫీఖ్ కూడా ట్వీట్ చేశాడు. దీనిపై ఎడ్జ్‌బాస్టన్‌ క్రికెట్ క్షమాపణలు చెప్పింది. ఎలాంటి పరిస్థితుల్లోనూ ఈ ధోరణిని సహించేదిలేదని స్పష్టం చేసింది. సంఘటనపై విచారణ చేపడతామని వెల్లడించింది. ఎడ్జ్‌బాస్టన్‌లో ఆహ్లాదకర వాతావరణం ఉండేలా చూస్తామని, ట్వీట్లు చేసిన సదరు వ్యక్తితో పర్సనల్‌గా మాట్లాడినట్లు సీఈవో స్టువర్ట్‌ కెయిన్‌ తెలిపారు.
ఇదీ చూడండి: బుమ్రా ఖాతాలో మరో రికార్డు.. కపిల్, కుంబ్లే సరసన చోటు