Punam Raut World Cup squad: న్యూజిలాండ్లో ఈ ఏడాది మార్చిలో జరిగబోయే మహిళల వన్డే ప్రపంచకప్ కోసం భారత మహిళల క్రికెట్ జట్టును గురువారం ప్రకటించారు. మిథాలీ రాజ్ కెప్టెన్సీలో 15 మంది సభ్యులతో కూడిన టీమ్ను ఖరారు చేశారు. అయితే ఈ జట్టులో శిఖాపాండే, జెమీమా రోడ్రిగ్స్తో పాటు స్టార్ బ్యాటర్ పూనమ్ రౌత్కు చోటు దక్కలేదు. దీంతో అసహనానికి గురైన పూనమ్.. సామాజిక మాధ్యమాల వేదికగా ఆవేదన వ్యక్తం చేసింది.
"ఒక అనుభవం ఉన్న బ్యాటర్గా, భారత్ తరఫున స్థిరంగా రాణిస్తున్న నన్ను ప్రపంచకప్ కోసం ఎంపికచేయకపోవడం చాలా బాధ కలిగించింది. 2021లో ఆడిన ఆరు వన్డేల్లో 73.75 సగటుతో 295 పరుగులు చేశాను. ఇందులో ఓ సెంచరీ, రెండు అర్ధసెంచరీలు ఉన్నాయి. మంచి ప్రదర్శన చేస్తున్నా జట్టులో చోటు దక్కకపోవడం వల్ల దిగ్భ్రాంతికి గురయ్యా. ఏదేమైనప్పటికీ జట్టులో చోటు దక్కించుకున్న ప్రతి ఒక్కరికీ శుభాకాంక్షలు."
-పూనమ్ రౌత్, టీమ్ఇండియా మహిళా క్రికెటర్