ఈ వివక్షను పూర్తిగా తొలగించాలి: హోల్డింగ్

దేశవ్యాప్తంగా సంచలనం సృష్టించిన అమెరికన్​ నల్లజాతీయుడు జార్జి ఫ్లాయిడ్ మృతిచెంది ఏడాది పూర్తైన నేఫథ్యంలో అతడిని గుర్తుచేసుకుని భావోద్వేగానికి గురయ్యాడు వెస్టిండీస్​ మాజీ క్రికెటర్​ మైఖేల్​ హోల్డింగ్​. ఈ సమాజం నుంచి జాత్యాహంకారం పూర్తిగా తొలిగిపోవడం అంత సులువుకాదని అన్నాడు.

ప్రపంచం నుంచి జాత్యాహంకారాన్ని పూర్తిగా పారదోలడం కష్టమేనని అన్నాడు వెస్టిండీస్ దిగ్గజ క్రికెటర్ మైఖేల్​​ హోల్డింగ్. అమెరికా నల్లజాతీయుడు జార్జి ఫ్లాయిడ్​.. ఓ పోలీసు అధికారి కర్కశత్వానికి బలైన తీరు అప్పట్లో సంచలనం సృష్టించింది. మంగళవారం జార్జి తొలి వర్ధంతి సందర్భంగా అతడిని గుర్తుచేసుకుని ఈ వ్యాఖ్యలు చేశాడు హోల్డింగ్. ​

"జాతివివక్ష, దాన్ని ప్రేరేపించే వారు ఎప్పుడూ ఉంటారు. జాత్యాహంకారం పూర్తిగా తొలిగిపోవడమంటే సమాజంలో నేరాలన్నీ పూర్తిగా ఆగిపోయినట్లే. కానీ అది అసాధ్యం. ప్రతి ఒక్కరూ ఈ వివక్షను వ్యతిరేకించి, నల్లజాతీయులకు మద్దతుగా నిలబడాలి. జీవితకాలం పాటు వారు జాతి వివక్షను ఎదుర్కోవడం ఎంత కష్టంగా ఉంటుందో ప్రజలకు అర్థం కాదు!." అని భావోద్వేగానికి గురయ్యాడు హోల్డింగ్.

ఇదీ చూడండి: 'హమ్మయ్యా.. ఔట్​ డోర్​ శిక్షణ ప్రారంభించాం'