కెప్టెన్​ బాబర్​ న్యూడ్​ వీడియో కాల్స్​.. పాక్ క్రికెట్ బోర్డు ఏం చెప్పిందంటే?

సహచర క్రికెటర్ ప్రేయసికి బాబర్ ఆజామ్ లైంగిక సందేశాలు చేశాడని వస్తున్న ఆరోపణలపై పాక్​ క్రికెట్​ బోర్డు కూడా స్పందించింది. ఏం చెప్పిదంటే?

ఇటీవలే టెస్ట్​ సిరీస్​లో వరుసగా ఆస్ట్రేలియా, ఇంగ్లాండ్‌ చేతిలో చావుదెబ్బ తిని తీవ్ర విమర్శలు ఎదుర్కొన్నాడు పాకిస్థాన్‌ కెప్టెన్ బాబర్ అజామ్‌. ఆ వెంటనే మళ్లీ.. అతడు ఏకంగా సహచర క్రికెటర్‌ ప్రేయసికి బాబర్‌ లైంగిక సందేశాలు పంపించాడంటూ వచ్చిన ఆరోపణలు ప్రస్తుతం చర్చనీయాంశమయ్యాయి. బాబర్‌ వ్యక్తిగత ఫొటోలు, వీడియోలు సహా లైంగిక సందేశాలకు సంబంధించిన చిత్రాలు సామాజిక మాధ్యమాల్లో తెగ ట్రోల్​ అవుతున్నాయి. అయితే తాజాగా ఈ ఆరోపణలపై పాకిస్థాన్ క్రికెట్ బోర్డు స్పందించింది. అవి నిరాధారణమైనవని స్పష్టం చేసింది. అంతకుముందు ఈ విషయమై కెప్టెన్​ బాబార్​ కూడా స్పందించాడు. వీటిని పట్టించుకోవాల్సిన అవసరం లేదని క్లారిటీ ఇచ్చాడు.

సోషల్ మీడియాలో లీకైన వీడియోలో బాబర్ ఆజామ్ "నువ్వు (అమ్మాయి) ఇలాగే నాతో సెక్స్‌ చాటింగ్‌ చేస్తుంటే నీ ప్రియుడు జట్టులో నుంచి బయటకు వెళ్లడు" అని ఆ అమ్మాయికి బాబర్‌ హామీ ఇచ్చాడనే ప్రచారం జరుగుతోంది. మరోవైపు ఇదంతా దుష్ప్రచారం అని, ఆ ఫొటోలు మార్ఫింగ్‌ చేసినవని బాబర్‌ అభిమానులు అంటున్నారు. ఆస్ట్రేలియా, ఇంగ్లాండ్​తో టెస్టు సిరీస్‌ల్లో దారుణ ఓటముల తర్వాత బాబర్​ను కెప్టెన్సీ నుంచి తప్పించే అవకాశాలు ఎక్కువగా కనిపిస్తున్నాయి. ఇక ఇటీవలే న్యూజిలాండ్‌తో కూడా వన్డే సిరీస్‌ను కోల్పోయిన పాకిస్థాన్‌కు త్వరలోనే షాన్ మసూద్‌ను టెస్టులు, వన్డేలకు సారథిగా నియమిస్తారని ప్రచారం జరుగుతోంది. ఈ క్రమంలోనే బాబర్ ఇమేజ్​ను డ్యామేజ్ చేయడానికి, కెప్టెన్సీ బాధ్యతల నుంచి తప్పించేందుకు అతడిపై చేస్తున్న కుట్ర అని అంటున్నారు.

అయితే మరికొందరు బాబర్‌పై విమర్శలు చేస్తున్నారు. ఇలాంటివి అతడికి అలవాటేనని వ్యాఖ్యలు చేస్తున్నారు. దాంతో ఈ వ్యవహారం చర్చనీయాంశమైంది. ఈ క్రమంలోనే ఈ ఆరోపణలపై బాబర్ సహా క్రికెట్ బోర్డు సోషల్ మీడియా వేదికగా స్పందించారు.

రెండేళ్ల కిందట కూడా..బాబర్ అజామ్‌పై రెండేళ్ల కిందట కూడా లైంగిక వేధింపుల ఆరోపణలు వచ్చాయి. వివాహం చేసుకొంటానని చెప్పి, గర్భవతిని చేశాడని 2020లో బాబర్‌పై ఓ మహిళ సంచలన ఆరోపణలు చేసింది. "బాబర్‌ క్రికెట్‌లోకి రాకముందు నుంచే నాకు తెలుసు. చాలా పేద కుటుంబం నుంచి వచ్చాడు. మేమిద్దరం చిన్నప్పటి నుంచి ఒకే కాలనీలో పెరిగాం. ఒకరితో ఒకరు కలిసి తిరిగాం. 2010లోనే నాకు లవ్‌ ప్రపోజ్‌ చేశాడు. నేను కూడా అంగీకరించా. తర్వాత మా ఇంటికి వస్తూ ఉండేవాడు. రోజులు గడుస్తున్న కొద్దీ మేమిద్దరం ఒకరినొకరం అర్థం చేసుకోవడం పెరిగింది. పెళ్లి చేసుకోవాలని ఇరు కుటుంబాలకు తెలియజేశాం. అయితే అతడి కుటుంబం అంగీకరించలేదు. దీంతో కోర్టు ద్వారా పెళ్లి చేసుకోవాలని నిర్ణయించుకొన్నాం. 2011లో పెళ్లి చేసుకొంటానని వాగ్దానం చేసి మరీ నన్ను ఓ ప్రాంతంలో ఉంచాడు. అయితే ఎప్పుడు చేసుకొందామని అడుగుతూనే ఉన్నా..కానీ బాబర్‌ మాత్రం దాటవేస్తూ వచ్చాడు. ఈ క్రమంలో గర్భవతిని కూడా అయ్యా" అని సదరు మహిళ అప్పట్లో సంచలన ఆరోపణలు చేసింది.

ఇదీ చూడండి:ఉప్పల్ వేదికగా కివీస్​తో పోరు.. భారత్ అదే జోరు కొనసాగించేనా?