ODI World Cup 2023 TeamIndia No Holidays : వన్డే వరల్డ్ కప్ 2023లో టీమ్ ఇండియా జైత్రయాత్ర కొనసాగిస్తున్న సంగతి తెలిసిందే. వరుసగా ఐదు మ్యాచ్‌ల్లో విజయం సాధించిన పాయింట్స్ టేబుల్‌లో(ODI World Cup 2023 Points Table) టాప్ పొజిషన్లో ఉంది. అగ్రస్థానంలో కొనసాగుతోంది. ఇక భారత జట్టు తన తర్వాతి మ్యాచ్ను.. లఖ్నవూ వేదికగా ఇంగ్లాండ్తో పోటీపడనుంది.
ఈ మ్యాచ్‌కు వారం రోజుల బ్రేక్ దొరకడం, దసరా పండగ రావడం వల్ల టీమ్ ఇండియాకు రెండు రోజుల సెలవులు ఇచ్చినట్లు ప్రచారం జరిగింది. కానీ న్యూజిలాండ్‌తో విజయానంతరం భారత జట్టు ప్లేయర్స్ అంతా ధర్మశాల్లోనే ఉండిపోయారు. సెలవలు తీసుకొని ఇంటికి వెళ్లడానికి ప్లేయర్స్ నిరాకరించినట్లు సమాచారం అందింది. ధర్మశాలను వీడేందుకు విముఖత వ్యక్తం చేశారట. మరో రెండు రోజుల పాటు ధర్మశాల్లోనే ఉండి హిమాలయాల అందాలను ఆస్వాదించాలని అనుకుంటున్నట్లు ఓ బీసీసీఐ అధికారి తెలిపారు.
Team India Dharamshala : ముందస్తు షెడ్యూల్ ప్రకారం టీమ్ఇండియా సోమవారం ధర్మశాల నుంచి బయలుదేరాలి. కానీ ప్లేయర్స్ విజ్ఞప్తి చేయడంతో ప్రయాణాన్ని రిషెడ్యూల్ చేశారని సదరు అధికారి వెల్లడించారు. "టీమ్ఇండియా ఈ రోజు ప్రయాణం చేయలేదు. మరో రెండు రోజుల పాటు ధర్మశాలలోనే ఉంటుంది. లఖ్నవూ వేదికగా జరిగే నెక్ట్స్ మ్యాచ్ ప్రిపరేషన్స్ ముందు ప్లేయర్స్ విరామం తీసుకోనున్నారు." అని ఆ అధికారి తెలిపారు.