ODI World Cup 2023 Semi Final : ప్రస్తుతం జరుగుతున్న ప్రపంచ కప్ 2023లో శనివారం(నవంబర్ 4) ఆసక్తికర సమరాలు జరగబోతున్నాయి. సెమీస్ ఛాన్స్లను మెరుగుపరుచుకునే దిశగా ఐదో విజయంపై దృష్టిసారించిన రెండు టీమ్స్.. కీలక మ్యాచులు ఆడేందుకు రెడీ అయ్యాయి.
6 మ్యాచ్‌లు ఆడి నాలుగింటిలో విజయం సాధించిన ఆస్ట్రేలియా జట్టు.. ఇంగ్లాండ్ టీమ్తో తలపడబోతుండగా.. 7 మ్యాచ్‌లు ఆడి నాలుగింటిలో గెలుపును అందుకున్న న్యూజిలాండ్ జట్టు.. పాకిస్థాన్‌ టీమ్తో పోటీపడనుంది.
ODI World Cup 2023 Aus VS Eng : మొదటి రెండు మ్యాచ్‌ల్లో ఓడి ఆ తర్వాత బలంగా పుంజుకున్న ఆస్ట్రేలియా ప్రస్తుతం వరుసగా నాలుగు విజయాలు సాధించిన ఊపు మీదుంది. దీంతో సెమీస్ దిశగా దూసుకెళ్తోంది. అయితే గాయం కారణంగా మ్యాక్స్‌వెల్‌, వ్యక్తిగత కారణాలతో మిచెల్‌ మార్ష్‌ దూరం కావడం వల్ల ఆ జట్టుపై ప్రభావం చూపేదె.
మరోవైపు 6 మ్యాచ్‌లు ఆడి ఐదింటిలో ఓడిన ఇంగ్లాండ్ జట్టు దాదాపుగా సెమీస్‌కు దూరమైనట్టే. సెమీస్ చేరే అవకాశం లేనందున, కనీసం పరువును కాపాడుకునేందుకైనా ఆ జట్టు తెగించి ఆడే ఛాన్స్ ఉంది. కాబట్టి ఆసీస్‌ చాలా జాగ్రత్తగా ఈ మ్యాచ్ ఆడాల్సిన అవసరం ఉంది.