ODI World Cup 2023 IND VS AUS : 200 పరుగుల లక్ష్యంతో బరిలోకి దిగిన టీమ్ ఇండియాకు వరుసగా బిగ్ షాక్ ఇచ్చారు ఆస్ట్రేలియా బౌలర్లు. రోహిత్ శర్మ, ఇషాన్ కిషన్, శ్రేయస్ అయ్యర్ ముగ్గురు ఖాతా తెరవకుండానే 0 పరుగులకు ఔట్ అయ్యారు. దీంతో 2 ఓవర్లు ముగిసేసరికి 2 పరుగులు మాత్రమే చేసి 3 టాప్ ఆర్డర్ కీలక వికెట్లను కోల్పోయింది. ఆ రెండు పరుగులు కూడా ఎక్స్ట్రా రూపంలో వచ్చినవే. ఫలితంగా ప్రత్యర్థి జట్టును 199 పరుగులకు ఆలౌట్ చేశామన్న ఆనందం కాసేపు కూడా లేకుండా పోయింది.
మిచెల్ స్టార్క్ బౌలింగ్‌లో ఇషాన్ కిషన్, స్లిప్‌లో కామెరూన్ గ్రీన్‌కు క్యాచ్ ఇచ్చి ఔట్ అయ్యాడు. ఇక 6 బంతులు ఆడిన రోహిత్ శర్మ, జోష్ హజల్‌వుడ్ బౌలింగ్‌లో డకౌట్ అయ్యాడు. రోహిత్ రివ్యూ తీసుకున్నా, టీవీ రిప్లేలో ఫలితం అంపైర్ కాల్స్‌గా రావడం వల్ల టీమ్ ఇండియాకు ఫలితం దక్కలేదు. శ్రేయస్ అయ్యర్ కూడా 3 బంతులు ఆడి హెజిల్‌ వుడ్ బౌలింగ్‌లో డేవిడ్ వార్నర్‌కు క్యాచ్ ఇచ్చి ఔట్ అయ్యాడు. దీంతో సోషల్ మీడియాలో ఈ ప్లేయర్లపై, టీమ్ఇండియాపై ట్రోల్స్ విపరీతంగా వస్తున్నాయి.