ODI World cup 2023 Rashid Khan : నాడు విలన్​.. నేడు హీరో.. డిఫెండింగ్​ ఛాంపియన్​పై అదరగొట్టేశాడు!

ODI World cup 2023 Rashid Khan : వన్డే ప్రపంచకప్​ - 2023లో జరిగిన మ్యాచ్​లో డిఫెండింగ్‌ ఛాంపియన్‌ ఇంగ్లాండ్​పై విజయం సాధించడంలో అప్గానిస్థాన్​ ప్లేయర్​ రషీద్​ ఖాన్ కీలక పాత్ర పోషించాడు. నాడు ఇంగ్లాండ్​పై దారుణంగా దెబ్బ తిన్న అతడు ఇప్పుడు తన ప్రదర్శనతో హీరోగా మారాడు. ఆ వివరాలు..

ODI World cup 2023 Rashid Khan :వన్డే ప్రపంచకప్​ - 2023లో భాగంగా తాజాగా డిఫెండింగ్‌ ఛాంపియన్‌ ఇంగ్లాండ్​ - అప్గానిస్థాన్​ మధ్య జరిగిన సంగతి తెలిసిందే. ఈ పోరులో అప్గానిస్థాన్ టీమ్​ సంచలన విజయాన్ని నమోదు చేసింది. బ్యాటింగ్​, బౌలింగ్​తో ఆల్​రౌండ్​ షో చేసి.. జగజ్జేత ఇంగ్లాండ్​కు గట్టి షాక్ ఇచ్చింది.

అయితే ఇంగ్లాండ్​పై అప్గానిస్థాన్​ సంచలన విజయాన్ని అందుకోవడంలో స్పిన్‌ ఆల్‌రౌండర్లు ముజీబ్‌ ఉర్‌ రెహ్మాన్‌, రషీద్‌ ఖాన్‌ కీలక పాత్ర పోషించారు. ఈ ఇద్దరు మొదట బ్యాటింగ్​లో అద్భుతంగా రాణించారు. కీలక పరుగులు చేశారు. ఆ తర్వాత బంతితోనూ మ్యాజిక్​ చేశారు. ముఖ్యంగా ఈ మ్యాచ్‌ విజయంలో రషీద్‌ ఖాన్‌ పాత్ర, ప్రదర్శన ప్రశంసనీయం అనే చెప్పాలి.

ఎందుకంటే గత ప్రపంచ కప్​లో ఇదే ఇంగ్లాండ్​ చేతిలో అతడు ఘోరంగా దెబ్బతిన్నాడు. ఇప్పుడేమో అత్యంత పొదుపుగా బౌలింగ్‌ చేశాడు. 3 వికెట్లు తీసి ఇంగ్లాండ్​ పతనాన్ని శాసించాడు. 2019 ప్రపంచ కప్​లో​ నాటి కెప్టెన్‌ ఇయాన్‌ మోర్గాన్‌ 71 బంతుల్లో 4 ఫోర్లు, 17 సిక్సర్లు సాయంతో 148 విధ్వంసకర ఇన్నింగ్స్​ ఆడాడు. అతడి దెబ్బకు రషీద్‌ బలయ్యాడు. 9 ఓవర్లలో ఏకంగా 110 పరుగులు సమర్పించుకుని... కెరీర్‌లోనే చెత్త బౌలింగ్‌ గణాంకాలను నమోదు చేశాడు. అతి ధారాళంగా పరుగులు సమర్పించుకున్నాడు. దీంతో అప్పుడు తన జట్టుకు విలన్‌ అయ్యాడు! కానీ ఇప్పుడదే ఇంగ్లాండ్​ జట్టు పతనాన్ని శాసించి.. తమ టీమ్​కు హీరోగా నిలిచాడు.