Rohit Sharma Felicitation: ఇటీవల మూడు ఫార్మాట్లకు పూర్తిస్థాయిలో కెప్టెన్సీ బాధ్యతలు అందుకున్న టీమ్ఇండియా సారథి రోహిత్ శర్మను ముంబయి క్రికెట్ అసోసియేషన్ సన్మానించనుంది. ప్రస్తుతం టీ20, వన్డేలకు కెప్టెన్సీ బాధ్యతలు చేపడుతున్న రోహిత్.. శ్రీలంకతో జరిగే టెస్టు సిరీస్తో టెస్టు ఫార్మాట్కు కూడా పూర్తిస్థాయిలో సారథ్యం వహించనున్నాడు. ఈ నేపథ్యంలో ఎంసీఏ, రోహిత్ను సన్మానించాలని నిర్ణయించినట్లు కౌన్సిల్ సభ్యుడు వెల్లడించారు.
వీరికి కూడా..
రోహిత్తో పాటు మరికొందరు ఆటగాళ్లను కూడా ఎంసీఏ సన్మానించనుంది. ఇటీవల జరిగిన అండర్-19 ప్రపంచకప్లో టీమ్ఇండియా జట్టు తరపున మెరుగైన ప్రదర్శన చేసిన రఘువంశీకి మొమెంటో సహా రూ.లక్ష రివార్డు అందిస్తామని కౌన్సిల్ సభ్యులు తెలిపారు. ప్రస్తుతం టీమ్ఇండియాలో తమ ప్రదర్శనతో అదరగొడుతున్న సూర్యకుమార్ యాదవ్, శార్దుల్ ఠాకుర్, శ్రేయస్ అయ్యర్లను కూడా ఎంసీఏ సన్మానించనుంది. వీరితో పాటు యువక్రికెటర్లు సర్ఫరాజ్ ఖాన్, పృధ్వీ షాలు కూడా ఈ సన్మానం అందుకోనున్నారు.
ఐపీఎల్ ప్రారంభమయ్యేలోపు ఈ కార్యక్రమాన్ని నిర్వహించనున్నట్లు ఎంసీఏ కౌన్సిల్ సభ్యులు వెల్లడించారు.
ఇదీ చూడండి :Ishan kishan: ధోని, పంత్లను దాటేసిన ఇషాన్ కిషన్