Azharuddin on Rohit Virat Captaincy: టీమ్ఇండియా.. దక్షిణాఫ్రికా పర్యటన నేపథ్యంలో భారత జట్టు కెప్టెన్ల నిర్ణయాలు చర్చనీయాంశంగా మారాయి. ఓవైపు టీ20, వన్డే జట్టు సారథి రోహిత్ శర్మ.. ప్రాక్టీస్ సెషన్లో గాయం కారణంగా టెస్టు సిరీస్కు హాజరుకాలేనని చెప్పాడు. మరోవైపు టెస్టు కెప్టెన్ విరాట్.. వ్యక్తిగత కారణాల వల్ల వన్డే సిరీస్ నుంచి తప్పుకొంటున్నట్లు మేనేజ్మెంట్కు చెప్పినట్లు సమాచారం. ఈ నేపథ్యంలో రోహిత్- విరాట్ కోహ్లీకి పడట్లేదని ఊహాగానాలు వినిపిస్తున్నాయి. దీనిపై మాజీ సారథి అజారుద్దీన్ స్పందించాడు. ట్విట్టర్ వేదికగా తన అభిప్రాయాన్ని పంచుకున్నాడు.
"వన్డే సిరీస్కు ప్రాతినిధ్యం వహించలేనని విరాట్ కోహ్లీ చెప్పాడు. గాయం కారణంగా టెస్టు సిరీస్లో పాల్గొనట్లేదని రోహిత్ స్పష్టం చేశాడు. బ్రేక్ తీసుకోవడంలో తప్పేమీలేదు. కానీ, వారు విరామం తీసుకున్న సమయమే తప్పు. ఒకేసారి ఇరువురి నిర్ణయం వల్ల.. వారి మధ్య వివాదం నిజంగానే ఉందేమో? అనే అనుమానం మరింత ఎక్కువ అయ్యేలా ఉంది."
--అజారుద్దీన్, టీమ్ఇండియా మాజీ క్రికెటర్.
టీమ్ఇండియా టెస్టు జట్టు వైస్ కెప్టెన్ రోహిత్ శర్మ స్థానంలో ప్రియాంక్ పాంచాల్ను ఎంపిక చేసినట్లు బీసీసీఐ పేర్కొంది. మూడు మ్యాచ్ల టెస్టు సిరీస్లో పాంచాల్ బ్యాకప్ ఓపెనర్గా సేవలందించనున్నాడు. మయాంక్, గిల్ ఓపెనింగ్ చేసే అవకాశం ఉంది.