బంగ్లాదేశ్ సీనియర్ క్రికెటర్ మహ్మదుల్లా టెస్ట్ క్రికెట్కు గుడ్బై చెప్పినట్లు తెలుస్తోంది. ఈ విషయాన్ని తన సన్నిహితులతో చర్చించినట్లు సమాచారం. దీనిపై స్పందించిన బంగ్లా క్రికెట్ బోర్డు.. అతడి నుంచి అధికారిక ప్రకటన రావాల్సి ఉందని పేర్కొంది.
"అవును, అతడు(మహ్మదుల్లా) సుదీర్ఘ ఫార్మాట్కు వీడ్కోలు నిర్ణయం తీసుకున్నట్లు తెలిసింది. కానీ, ఆ విషయాన్ని మాతో అధికారికంగా చెప్పలేదు. అతడు భావోద్వేగంలో ఈ నిర్ణయం తీసుకున్నాడేమో చూడాల్సి ఉంది."
-బంగ్లాదేశ్ క్రికెట్ బోర్డు.
ప్రస్తుతం హరారే వేదికగా జింబాబ్వేతో ఏకైక టెస్టు ఆడుతోంది బంగ్లా. తొలి ఇన్నింగ్స్లో 150 పరుగులు చేసిన మహ్మదుల్లా తమ జట్టు భారీ స్కోరు చేయడానికి సహకరించాడు.
బెస్ట్ ఆల్రౌండర్..
బంగ్లా తరఫున 49 టెస్టులాడిన ఈ ఆల్రౌండర్ 31 సగటుతో 2,764 పరుగులు చేశాడు. 2009లో విండీస్పై సుదీర్ఘ ఫార్మాట్లో తన తొలి మ్యాచ్ ఆడాడు. కెరీర్ తొలిమ్యాచ్లో బౌలర్గా రాణించిన మహ్మదుల్లా.. 8 వికెట్లు తీసుకున్నాడు. ఇందులో రెండో ఇన్నింగ్స్లో 5 వికెట్లతో మెరిసి.. విదేశాల్లో బంగ్లాకు తొలి విజయాన్ని అందించాడు.
తర్వాత బ్యాట్స్మన్గానూ రాణించిన మహ్మదుల్లా.. ఓ దశలో వరుసగా ఐదు మ్యాచ్ల్లో యాభైకి పైగా స్కోర్లు నమోదు చేశాడు. ఇందులో తన తొలి శతకం హామిల్టన్ వేదికగా కివీస్పై సాధించాడు. ఎనిమిదో స్థానంలో వచ్చి ఈ సెంచరీని అందుకున్నాడు ఈ ఆల్రౌండర్.
ప్రస్తుతం టీ20ల్లో బంగ్లాదేశ్కు కెప్టెన్సీగా వ్యవహరిస్తున్న మహ్మదుల్లా.. 2015 ప్రపంచకప్లో అత్యుత్తమ బంగ్లా బ్యాట్స్మన్గా నిలిచాడు.
ఇదీ చదవండి:పాక్పై ఇంగ్లాండ్ సిరీస్ విన్- విండీస్ చేతిలో ఆసీస్ చిత్తు
