టీమ్ఇండియాపై చారిత్రక విజయం సాధించాక పాకిస్థాన్ ఆటగాళ్లకు కెప్టెన్ బాబర్(babar azam latest news) అజామ్ గట్టి హెచ్చరికలు జారీ చేశాడు. ఈ అద్భుత విజయాన్ని ఆస్వాదించే క్రమంలో మితిమీరిన విధంగా సెలబ్రేషన్స్‌ చేసుకోకుండా కుటుంబ సభ్యులతో సంతోషంగా గడపాలని సూచించాడు. ఈ మెగా టోర్నీలో భారత్(ind vs pak t20)పై గెలవడానికి మాత్రమే రాలేదని, ప్రపంచకప్‌ సాధించేవరకు కష్టపడాలన్నాడు. మ్యాచ్ అనంతరం బాబర్ తమ ఆటగాళ్లతో సమావేశమైన వీడియోను పాక్ క్రికెట్‌ బోర్డు ట్విట్టర్లో అభిమానులతో పంచుకుంది. ఈ సందర్భంగా బాబర్ ఇలా స్పందించాడు.
"మనం ఈ విజయాన్ని ఆస్వాదిద్దాం. హోటల్‌కు వెళ్లాక మన కుటుంబ సభ్యులతో సెలబ్రేట్‌ చేసుకుందాం. భారత్తో మ్యాచ్ అయిపోయింది కదా అని మిగతా మ్యాచ్‌లకు సన్నద్ధమవ్వడం మర్చిపోవద్దు. ప్రతి ఒక్కరూ ఈ విజయాన్ని ఎంజాయ్‌ చేయండి. కానీ.. జట్టులో మీ పాత్రలేంటో మర్చిపోవద్దు. మనం ఇక్కడ భారత జట్టు ఒక్కదాన్నే ఓడించడానికి రాలేదు. ప్రపంచకప్‌ గెలవడానికి వచ్చాం. ఈ విషయాన్ని గుర్తుంచుకోండి"