Lasith Malinga Bowling coach: శ్రీలంక జట్టులో మార్పులు జరిగే అవకాశముంది. ఆ టీమ్ ఫాస్ట్ బౌలింగ్ కన్సల్టెంట్ కోచ్గా దిగ్గజ ఆటగాడు లసిత్ మలింగను తీసుకోవచ్చని క్రికెట్ వర్గాల సమాచారం. త్వరలో జరగనున్న ఆస్ట్రేలియా సిరీస్కు మలింగను కన్సల్టెంట్ కోచ్గా నియమించాలని హై-ప్రొఫైల్ క్రికెట్ అడ్వైజరీ కమిటీ శ్రీలంక క్రికెట్ ఎగ్జిక్యూటివ్ కమిటీకి సిఫార్సు చేసింది. కాగా, ఆస్ట్రేలియా పర్యటనలో భాగంగా ఐదు టీ20 మ్యాచ్లు ఆడనుంది శ్రీలంక.
గతేడాది మలింగ అన్ని ఫార్మాట్లకు రిటైర్మెంట్ ప్రకటించాడు. లంక తరఫున మొత్తంగా 546 వికెట్లు పడగొట్టిన మలింగ.. 2011లోనే టెస్టులకు గుడ్బై చెప్పాడు. వన్డేలకు 2019లో వీడ్కోలు పలికాడు. 2021లో టీ20లకు రిటైర్మెంట్ ప్రకటించాడు. 107 టీ20లు, 338 వన్డేలు, 101 టెస్టుల్లో 101 వికెట్లు తీశాడు. ఐపీఎల్లో మలింగ పడగొట్టిన 170 వికెట్లు ఇప్పటికీ రికార్డే!