నిబంధనలు అతిక్రమణ.. లంక, బంగ్లా ఆటగాళ్లకు జరిమానా

టీ20 ప్రపంచకప్(t20 worldcup 2021)​లో భాగంగా బంగ్లాదేశ్-శ్రీలంక (ban vs sri t20) మ్యాచ్ సమయంలో గొడవ పడిన ఇద్దరు ఆటగాళ్లకు జరిమానా విధించింది ఐసీసీ. నిబంధనలకు విరుద్ధంగా నడుచుకున్నందుకు జీతంలో కోత పెట్టింది.

టీ20 ప్రపంచకప్(t20 worldcup 2021)​లో భాగంగా బంగ్లాదేశ్​తో జరిగిన మ్యాచ్​లో శ్రీలంక(sri vs ban t20) విజయం సాధించింది. ఈ మ్యాచ్ సమయంలో గొడవకు దిగిన లంక ఆటగాడు లహిరు కుమార, బంగ్లాదేశ్​ ప్లేయర్ లిటన్ దాస్(lahiru kumara vs liton das)​కు జరిమానా విధించింది ఐసీసీ. నిబంధనలకు విరుద్ధంగా నడుచుకున్నందుకు ఫైన్ విధిస్తున్నట్లు పేర్కొంది.

కుమార జీతం నుంచి 25 శాతం, లిట్టన్ దాస్​(lahiru kumara vs liton das)కు 15 శాతం జరిమానాతో పాటు ఓ డీమెరిట్ పాయింట్​ను విధించింది ఐసీసీ. మైదానంలో వారు వాడిన భాష, బాడీలాంగ్వేజ్ సరిగా లేదంటూ ఈ జరిమానా విధించింది. ఈ విషయంలో వీరిద్దరూ తమ తప్పును ఒప్పుకొని క్షమాపణ కోరడం వల్ల.. విచారణ ఉండదని తెలిపారు ఐసీసీ మ్యాచ్ రిఫరీ జవగళ్ శ్రీనాథ్.

ఏం జరిగింది?

బంగ్లాదేశ్​ బ్యాటింగ్ చేస్తున్న సమయంలో ఆరో ఓవర్​లో లిటన్ దాస్​ను ఔట్ చేశాడు లహిరు కుమార. అతడిని ఔట్ చేశాక.. దాస్​ దగ్గరకు వెళ్లిన కుమార కొన్ని మాటలు అన్నాడు. దాస్​ కూడా కోపంతో అతడి మీదకు వెళ్లాడు. అంపైర్లు కలగజేసుకుని వారికి సర్దిచెప్పారు.

ఈ మ్యాచ్​లో లంక 5 వికెట్ల తేడాతో బంగ్లాదేశ్​పై విజయం సాధించింది. బంగ్లా విధించిన 172 పరుగుల లక్ష్యాన్ని మరో ఏడు బంతులు మిగిలుండగానే ఛేదించింది. చరిత్ అసలనక, భానుక రాజపక్సా అర్ధసెంచరీలతో అలరించారు. ​ ​