కొవిడ్ బాధితుల కోసం మరోసారి పాండ్య సోదరులు

కరోనాతో పోరాడుతున్న బాధితులకు సాయం అందించేందుకు మరోసారి ముందుకొచ్చారు క్రికెటర్లు పాండ్య సోదరులు. మరికొన్ని ఆక్సిజన్ కాన్సంట్రేటర్లను పంపిణీ చేయనున్నట్లు ప్రకటించారు.

కొవిడ్​తో పోరాడుతున్న బాధితులకు సాయం చేయడానికి టీమ్​ఇండియా క్రికెటర్లు హర్దిక్ పాండ్య, కృనాల్ పాండ్య.. మరోసారి ముందుకొచ్చారు. ఆక్సిజన్​ సంక్షోభంలో ఉన్న కేంద్రాలకు ఆక్సిజన్​ కాన్సంట్రేటర్లను పంపిణీ చేస్తున్నట్లు సామాజిక మాధ్యమాల వేదికగా ప్రకటించారు.

"కొవిడ్​తో బాధపడుతున్న వారికి అందించేందుకు మరికొన్ని ఆక్సిజన్ కాన్సట్రేటర్లను పంపిణీ చేస్తున్నాం. వారందరూ త్వరగా కోలుకోవాలని ఆ భగవంతున్ని కోరుకుంటున్నాం" అని కృనాల్ ట్వీట్ చేశాడు.

"మహమ్మారితో చేస్తున్న పోరాటంలో మనం మధ్యలో ఉన్నాం. కలిసికట్టుగా పని చేస్తే దానిప విజయం సాధించవచ్చు" అని హర్దిక్ పేర్కొన్నాడు.

ఈ నెలారంభంలో పాండ్య సోదరులు తమ కుటుంబం తరఫున 200 ఆక్సిజన్ కాన్సంట్రేటర్లు సాయంగా అందించారు. వాటన్నిటిని గ్రామీణ ప్రాంతాల్లో కరోనాతో పోరాడుతున్న వారికి ఇవ్వాల్సిందిగా కోరారు.

ఇదీ చదవండి:కరోనా బాధితుల కోసం బీసీసీఐ సాయం