Gambhir On Virat Kohli: దక్షిణాఫ్రికాతో మూడో టెస్టులో టీమ్ఇండియా కెప్టెన్ విరాట్ కోహ్లీ అహం వదిలేసి ఆడాడని మాజీ క్రికెటర్ గౌతమ్ గంభీర్ అన్నాడు. క్రమశిక్షణతో ఆడుతూ ఆకట్టుకున్నాడని పేర్కొన్నాడు. అతడి షాట్‌ సెలెక్షన్‌ మెరుగ్గా ఉందని ప్రశంసించాడు.
విదేశీ పర్యటనలకు వెళ్లే ముందు ఆటగాళ్లు తమ అహాన్ని వదిలేసి వెళ్లాలని కోహ్లీ ఇంతకు ముందే పలుమార్లు చెప్పాడు. గతంలో ఇంగ్లాండ్‌ పర్యటన సందర్భంగా కూడా అతడు ఇదే మాట చెప్పాడు. విరాట్ ఇప్పుడు ఆ మాటను నిరూపించుకున్నాడు. ఎంతో సహనంతో బ్యాటింగ్ చేశాడు. సఫారీ బౌలర్లు వైవిధ్యమైన బంతులతో సవాల్ చేసినా ఏకాగ్రతతో ఆడాడు. సహచర ఆటగాళ్ల నుంచి సరైన సహకారం అందకున్నా సరే క్రమశిక్షణతో బ్యాటింగ్ చేశాడు. బలహీనతను అధిగమిస్తూ.. ఆఫ్‌ స్టంప్‌ ఆవల వెళ్తున్న బంతులను వదిలేశాడు. బౌలర్లపై ఆదిపత్యం చెలాయించకుండా తన పని తాను చేసుకుపోయాడు. తన అహాన్ని పక్కన పెట్టి జట్టుకోసం విలువైన ఇన్నింగ్స్‌ ఆడాడు" అని గంభీర్ పేర్కొన్నాడు.
సెంచరీ కన్నా గొప్ప ఇన్నింగ్స్‌ ఇది..