Kohli Funny Run Viral Video :టీమ్ఇండియా మాజీ కెప్టెన్, స్టార్ బ్యాటర్ విరాట్ కోహ్లీ.. మైదానంలో ఎంత దూకుడు ఉంటాడో.. బయట కూడా అంతే సరదాగా కనిపిస్తాడు. తన చిలిపి పనులతో అభిమానులతో పాటు సహచర ఆటగాళ్లను నవ్విస్తాడు. స్టేడియంలోని ప్లే అవుతున్న పాటలకు కాలు కదుపుతూ ప్రేక్షకులను ఉత్తేజ పరుస్తాడు. ప్రత్యర్థి ఆటగాళ్లు రెచ్చగొడితే.. తనదైన శైలిలో బదులిస్తాడు. తాజాగా విరాట్ కోహ్లీ చేసిన ఓ పని ప్రేక్షకులతో పాటు అంపైర్లు, ఆటగాళ్లు, కామెంటేటర్లు విరగబడి నవ్వుకునేలా చేసింది. ప్రస్తుతం ఈ ఘటనకు సంబంధించిన వీడియో నెట్టింట వైరల్‌గా మారింది.
Asia Cup 2023 IND Vs BAN : ఆసియా కప్ సూపర్-4లో భాగంగా బంగ్లాదేశ్తో జరుగుతున్న మ్యాచ్లో టీమ్ఇండియా 5 మార్పులతో బరిలోకి దిగింది. స్టార్ బ్యాటర్ విరాట్ కోహ్లీ సహా.. గత మ్యాచ్ హీరో, స్పిన్నర్ కుల్దీప్ యాదవ్, మహమ్మద్ సిరాజ్, జస్ప్రీత్ బుమ్రా, హార్దిక్ పాండ్యకు మేనేజ్మెంట్ రెస్ట్ ఇచ్చింది. వాళ్ల స్థానంలో తిలక్ వర్మ, సూర్యకుమార్ యాదవ్, శార్దూల్ ఠాకూర్, మహ్మద్ షమీ, ప్రసిద్ధ్ కృష్ణ తుది జట్టులోకి వచ్చారు. వెస్టిండీస్ టూర్లో టీ20 క్రికెట్లోకి అరంగేట్రం చేసిన తిలక్ వర్మ.. ఇప్పుడు వన్డేల్లో అడుగుపెట్టాడు.
అయితే ఈ మ్యాచ్ నుంచి విరాట్ కోహ్లీకి రెస్ట్ ఇచ్చినా.. అతడు 12వ ఆటగాడిగా సేవలందిస్తున్నాడు. సబ్‌స్టిట్యూట్ ఫీల్డర్‌గా సేవలందించడంతో పాటు వాటర్ బాయ్ పాత్రలో సహచర ఆటగాళ్లకు డ్రింక్స్ అందిస్తున్నాడు. వేల కోట్ల అధిపతి, ప్రపంచవ్యాప్తంగా అత్యధిక ఆదరణ కలిగిన క్రికెటర్‌గా గుర్తింపు పొందిన విరాట్ కోహ్లీ ఏ మాత్రం నామోషీ లేకుండా డ్రింక్స్ అందిస్తున్నాడు.