Kohli O antava mava song: సుకుమార్ దర్శకత్వంలో అల్లుఅర్జున్ హీరోగా వచ్చిన 'పుష్ప' దేశవ్యాప్తంగా సంచలనం సృష్టించింది. బన్నీ గెటప్, నటన, సాంగ్స్ సినిమాకు హైలైట్గా నిలిచాయి. ముఖ్యంగా సమంత చిందులేసిన 'ఊ అంటావా మావ' సాంగ్ అయితే శ్రోతలను ఉర్రూతలూగించింది. ఎక్కడ చూసిన ఇదే పాట వినిపించింది. సోషల్మీడియాలో రికార్డులు సృష్టించింది. సినీప్రియులు అంతా ఈ సాంగ్కు రీల్స్ చేసి సోషల్మీడియాను హోరెత్తించారు. అయితే తాజాగా ఆ పాటకు టీమ్ఇండియా మాజీ కోహ్లీ కూడా స్టెప్పులేసి నెటిజన్లను ఆకట్టుకున్నాడు. ప్రస్తుతం దీనికి సంబంధించిన వీడియో నెట్టింట్లో వైరల్గా మారింది.
రాయల్ ఛాలెంజర్స్ బెంగళూరు.. తమ జట్టు స్టార్ ఆల్రౌండర్, కొత్త పెళ్లి కొడుకు గ్లెన్ మ్యాక్స్వెల్ కోసం గ్రాండ్ పార్టీ ఏర్పాటు చేసింది. భారత మూలాలున్న వినీ రామన్ను పెళ్లాడి మాక్సీ తమిళనాడు అల్లుడైయ్యాడు. వీరి విహాహం జరిగి నెల రోజులు పూర్తైన సందర్భంగా ఈ పార్టీ నిర్వహించింది ఫ్రాంచైజీ. బయోబబుల్లో నిర్వహించిన ఈ వేడుకకు కోహ్లీ తన సతీమణితో కలిసి హాజరయ్యాడు. ఇందులో ఆటగాళ్లతో కలిసి సరదాగా ఎంజాయ్ చేసిన విరాట్.. వారితో కలిసి 'ఊ అంటావా' పాటకు చిందులేసి అభిమానుల్ని ఆకట్టుకున్నాడు.