'కోహ్లీ సెంచరీ కొడితేనే పెళ్లి చేసుకుంటా'

Kohli Century Placard: విరాట్​ కోహ్లీ తన వందో టెస్టులో వంద పరుగులు చేస్తాడని ఎదురుచూసిన అభిమానులకు నిరాశ ఎదురైంది. 45 పరుగులకే.. లంక స్పిన్నర్​ ఎంబుల్దేనియా బౌలింగ్​లో పెవిలియన్​ చేరాడు. మొదటి టెస్టు రెండో రోజు ఓ కోహ్లి వీరాభిమాని చేతిలో పట్టుకున్న ప్లకార్డు విపరీతంగా ఆకర్షిస్తోంది.

kohli century placard: రెండున్నరేళ్లుగా విరాట్​ కోహ్లీ సెంచరీ కోసం నిరీక్షిస్తున్న అభిమానులకు నిరాశే మిగిలింది. మొహలీ వేదికగా శ్రీలంకతో జరుగుతున్న తొలి టెస్టులో అతడు 45 పరుగులకే ఔటయ్యాడు. తొలి ఇన్నింగ్స్ 44వ ఓవర్లో లంక స్పిన్నర్​ ఎంబుల్దేనియా వేసిన బంతికి క్లీన్​ బౌల్డ్​గా వెనుదిరిగాడు. 2019లో ఈడెన్​ గార్డెన్స్​లో కోహ్లీ తన చివరి సెంచరీని సాధించాడు.

అయితే మొదటి టెస్టు రెండో రోజు స్టేడియంలో ఒక ఆసక్తికరమైన సంఘటన అందరి దృష్టిని ఆకర్షించింది. ఓ అభిమాని చేతిలో పట్టుకున్న ప్లకార్డును చూసి అంతా ఆశ్చర్యపోయారు. 'కోహ్లీ 71వ అంతర్జాతీయ సెంచరీ సాధించే వరకు పెళ్లి చేసుకోను' అని ఆ అభిమాని ప్లకార్డులో తన అభిప్రాయాన్ని వ్యక్తపరిచాడు.

కోహ్లీ అభిమాని పట్టుకున్న ప్లకార్డు

అంతర్జాతీయ క్రికెట్‌లో అత్యధిక సెంచరీలు చేసిన బ్యాటర్ల జాబితాలో విరాట్​ కోహ్లీ 70 సెంచరీలతో 3వ స్థానంలో ఉన్నాడు. ఈ జాబితాలో సచిన్​ తెందుల్కర్ (100), రికీ పాంటింగ్ (71) సెంచరీలతో కోహ్లీ కంటే ముందున్నారు.

ఇదీ చదవండి: బౌన్సర్లను నిషేధించాల్సిన అవసరం లేదు: ఎంసీసీ