Kohli Centuries In 2023 : టీమ్ఇండియా స్టార్ బ్యాటర్ కోహ్లీ ప్రస్తుతం భీకర ఫామ్లో ఉన్నాడు. తన 2.0లో విశ్వరూపం చూపిస్తున్నాడు(virat kohli 2.0). 2019-2022 వరకు సెంచరీలు లేక గడ్డుకాలం ఎదుర్కొన్న అతడు.. 2022 సెప్టెంబర్‌లో ఆసియా కప్ టీ20 ఫార్మాట్ అప్ఘానిస్థాన్పై సెంచరీ బాది.. మళ్లీ ఫామ్లోకి వచ్చాడు. తిరిగి తన శతకబాట పట్టాడు. కెరీర్‌లో 71 శతకం కోసం మూడేళ్ల పాటు నిరీక్షించిన ఈ కింగ్.. ఆ తర్వాత సెంచరీ సెంచరీల దిశగా అడుగులు వేస్తున్నాడు. ప్రస్తుతం అతడు 77 శతకాలు బాదాడు(తాజాగా పాకిస్థాన్ మ్యాచ్పై 77వ శతకం).
మూడేళ్లకాలంలో ఒక్క శతకం కూడా చేయలేని కోహ్లీని చూసి.. ఇక కెరీర్ అయిపోందిలే అనుకున్నారంతా. కానీ విరాట్.. ఆ తర్వాత సరిగ్గా ఏడాది వ్యవధిలోనే ఏడు శతకాలు బాది మునుపటి కన్నా ప్రమాదకరంగా మారుతున్నాడు. ప్రస్తుతం అతడి ఫామ్ చూస్తుంటే ప్రపంచ బౌలర్లు.. కోహ్లీ 2.0ను ఎదుర్కోవడం కష్టమే అనిపిస్తోంది. అప్ఘానిస్థాన్పై సెంచరీ బాదిన తర్వాత అదే ఏడాది బంగ్లాదేశ్‌పై వన్డేల్లో మరో శతకం బాది 2022ను రెండు శతకాలతో ముగించాడు. ఇక 2023లో ఆకాశమే హద్దుగా చెలరేగుతున్నాడు. ఇప్పటివరకు ఆడిన 21 ఇన్నింగ్స్‌ల్లో 58.42 యావరేజ్తో 5 శతకాలు, 2 అర్ధ శతకాల సాయంతో 1110 పరుగులను తన ఖాతాలో వేసుకున్నాడు.