విరుష్క జోడీ విరాళాల సేకరణ రూ.11 కోట్లు

కొవిడ్​పై పోరాటంలో భాగంగా విరుష్క జోడీ ప్రారంభించిన విరాళాల సేకరణ కార్యక్రమానికి ఆదరణ బాగా లభిస్తోంది. రెండు రోజులు మిగిలి ఉండగానే అనుకున్న లక్ష్యం కన్నా నాలుగు కోట్ల రూపాయలు అధికంగా విరాళాలు వచ్చాయి.

కొవిడ్​తో పోరాడుతున్న మన దేశానికి అండగా నిలిచేందుకు టీమ్​ఇండియా కెప్టెన్ విరాట్ కోహ్లీ తన భార్య అనుష్క కలిసి ప్రారంభించిన విరాళాల సేకరణ కార్యక్రమానికి విశేష ఆదరణ లభిస్తోంది. ఇప్పటివరకు రూ.11 కోట్లకు పైగా విరాళాలు వచ్చాయి.

మొత్తం వారం రోజుల్లో రూ.7 కోట్ల నిధులను సేకరించాలనే లక్ష్యంతో ఈ కార్యక్రమాన్ని ప్రారంభించింది విరుష్క జోడీ. ప్రముఖ విరాళాల సేకరణ వెబ్​సైట్​ కెట్టో ద్వారా ఆర్థిక సాయం అందించాలని మే7న తమ అభిమానులు, శ్రేయోభిలాషులను కోరారు. తమ వంతు సాయంగా రూ.2 కోట్లను విరాళంగా ప్రకటించారు. అయితే ఇంకా రెండు రోజులు మిగిలి ఉండగానే అనుకున్న దానికన్నా ఎక్కువ నిధులు సమకూరాయి. ఇందులో ఎమ్​పీఎల్​ స్పోర్ట్​ ఫౌండేషన్ ఒక్కటే​ రూ.5 కోట్లు ఇవ్వడం విశేషం.

ఇదీ చూడండి: కొవిడ్​ పోరాటంలో విరుష్క జోడీ రూ.2 కోట్ల విరాళం