KL Rahul News: భారత్-విండీస్ మధ్య జరగబోయే వన్డే సిరీస్ ఈ ఆదివారం నుంచి ప్రారంభం కానుంది. అయితే తొలి వన్డేకు వైస్ కెప్టన్ కేఎల్ రాహుల్ దూరమయ్యాడు. రాహుల్ గైర్హాజరు వెనుక కారణం అతని ఇంట్లో పెళ్లి బాజాలు మోగడమే అని సమాచారం. త్వరలో రాహుల్ చెల్లెలి వివాహం ఉండటం వల్ల ఆ పనుల్లో రాహుల్ నిమగ్నమైనట్లు తెలుస్తోంది. రాహుల్ రెండో వన్డేలో జట్టుతో కలుస్తాడని బీసీసీఐ ఇదివరకే స్పష్టం చేసింది.
మరోవైపు రాహుల్.. బాలీవుడ్ సీనియర్ నటుడు సునీల్ శెట్టి కుమార్తె అతియా శెట్టితో ప్రేమలో ఉన్నట్లు ఇప్పటికే వార్తలు చక్కర్లు కొడుతున్నాయి.