టీమ్‌ఇండియాకు శుభవార్త! స్ట్రోక్ ప్లేయర్ కేఎల్ రాహుల్ వేగంగా కోలుకుంటున్నాడు. జట్టుతో కలిసి ఇంగ్లాండ్‌కు వెళ్లనున్నాడు. న్యూజిలాండ్‌తో ఫైనల్స్‌కు ఇంకా నెల రోజుల గడువు ఉండటం వల్ల అక్కడికెళ్లాక రాహుల్ సాధన చేస్తాడని తెలుస్తోంది.
"రాహుల్ చాలా బాగున్నాడు. వేగంగా కోలుకుంటున్నాడు. జట్టుతో కలిసి ఇంగ్లాండ్‌కు వెళ్తాడు అని అతడి సన్నిహిత వర్గాలు మీడియాకు చెప్పాయి. న్యూజిలాండ్‌తో ఫైనల్స్‌కు దాదాపుగా నెల రోజుల సమయం ఉంది. ఆ తర్వాత ఇంగ్లాండ్ సిరీస్‌ మొదలయ్యేందుకు ఒకటిన్నర నెల ఉంటుంది. గతంలోనూ టీమ్ఇండియా ఇలా చేసింది. గాయపడ్డ వృద్ధిమాన్‌ సాహాను ఆస్ట్రేలియా తీసుకెళ్లింది. అతనక్కడే కోలుకొని సాధన చేశాడు."