కేఎల్ రాహుల్.. ఇషాన్ కిషన్.. రెండో ఓపెనర్ ఎవరు?

టీ20 ప్రపంచకప్​లో(T20 World Cup 2021) భాగంగా టీమ్​ఇండియా నేడు(అక్టోబర్ 18న) ఇంగ్లాండ్​తో వార్మప్​ మ్యాచ్(team india warm up match)​ ఆడనుంది. ఈ నేపథ్యంలో టీమ్​ఇండియా ముందు పలు సవాళ్లున్నాయి. రెండో ఓపెనర్​గా బ్యాటింగ్​కు దిగేదెవరు? హార్దిక్ పాండ్య ఏ స్థానంలో ఆడతాడు? అన్న విషయాలు తెలుసుకునేందుకు అభిమానులు ఎంతో ఆసక్తిగా ఎదురుచూస్తున్నారు. ఈ మ్యాచ్​ రాత్రి 7.30 గంటలకు ప్రారంభం కానుంది.

టీ20 ప్రపంచకప్​లో పాకిస్థాన్​తో(Ind vs Pak T20 World Cup) తలపడడానికి ముందు రెండు వార్మప్​ మ్యాచ్​లు(team india warm up match) ఆడనుంది టీమ్​ఇండియా. సోమవారం(అక్టోబర్ 18న) ఇంగ్లాండ్​తో, బుధవారం ఆస్ట్రేలియాతో వార్మప్ మ్యాచ్​ల్లో పోటీపడనుంది. ఈ నేపథ్యంలో కోహ్లీసేన(Team India Squad for T20 World Cup) ముందు పలు సవాళ్లున్నాయి. రెండో ఓపెనర్​గా బ్యాటింగ్​కు కేఎల్​ రాహుల్ వస్తాడా? యువ బ్యాట్స్​మన్​ ఇషాన్​ కిషన్ వస్తాడా? అన్న అంశంపై సందిగ్ధత నెలకొంది. ఆల్​రౌండర్​ హార్దిక్​ పాండ్య ఫామ్​లో లేనందున అతడు ఏ స్థానంలో బ్యాటింగ్​ చేస్తాడన్నదానిపై స్పష్టత లేదు. ఈ సందర్భంగా సారథి కోహ్లీ ఎలాంటి నిర్ణయం తీసుకుంటాడోనని అభిమానులు ఆసక్తిగా ఎదురుచూస్తున్నారు.
ఐపీఎల్​లో 626 పరుగులు చేసిన కేఎల్​ రాహుల్​ చక్కటి ఫామ్​లో ఉన్నాడు. మరోవైపు, ఓపెనర్​ రోహిత్​ శర్మతో బరిలోకి దిగిన ఇషాన్​ కిషన్​ కూడా ముంబయి ఇండియన్స్ తరఫున చివరి రెండు మ్యాచ్​ల్లో కీలక ఇన్నింగ్స్​ ఆడాడు. ఈ నేపథ్యంలో రాహుల్​ను రెండో ఓపెనర్​గా పంపిస్తే.. హార్దిక్​ పాండ్య ఫినిషర్​గా ఆరో స్థానంలో బ్యాటింగ్​కు దిగాల్సి ఉంటుంది.
బౌలింగ్​లో రవీంద్ర జడేజాతో కలిపి ఇద్దరు స్పిన్నర్లు ఆడనున్నారు. ఫిట్​నెస్​తో ఉంటే వరుణ్ చక్రవర్తికి తప్పకుండా జట్టులో చోటు ఉంటుంది. మరో స్పిన్నర్​గా అశ్విన్​ లేదా రాహుల్ చాహర్​కు అవకాశం లభించనుంది. ఇద్దరు స్పిన్నర్లే జట్టులో ఉంటే ఫాస్ట్​ బౌలర్లు బుమ్రా, భువనేశ్వర్​ కుమర్​లకు ఇద్దరికీ అవకాశం వస్తుంది.
బట్లర్​పైనే ఆశలు..
ఇంగ్లాండ్​ జట్టులో జాస్​ బట్లర్​ కీలక ఆటగాడు కాగా.. బ్యాట్స్​మెన్ జేసన్ రాయ్, జానీ బెయిర్ స్టో కూడా ఆడుతున్నారు. అయితే.. ఐపీఎల్​లో లివింగ్​స్టోన్ బ్యాటింగ్​లో తడబడ్డారు. కోల్​కతా కెప్టెన్​గా ఇయాన్​ మోర్గాన్​ రాణించినప్పటికీ.. పరుగులు చేయడంలో విఫలమయ్యాడు.
భారత్, ఇంగ్లాండ్ మధ్య వార్మప్ మ్యాచ్​ రాత్రి 7.30 గంటలకు ప్రారంభం కానుంది.
జట్లు (అంచనా)
టీమ్​ఇండియా:విరాట్ కోహ్లీ(కెప్టెన్), రోహిత్ శర్మ, కేఎల్ రాహుల్, సూర్య కుమార్ యాదవ్, రిషబ్​ పంత్(వికెట్ కీపర్), ఇషాన్ కిషన్(వికెట్ కీపర్), రవీంద్ర జడేజా, రవిచంద్రన్ అశ్విన్, వరుణ్ చక్రవర్తి, రాహుల్ చాహర్, శార్దూల్ ఠాకూర్, జస్ప్రీత్ బుమ్రా, మహమ్మద్ షమి, భువనేశ్వర్ కుమార్, హార్దిక్ పాండ్య
ఇంగ్లాండ్: ఇయాన్ మోర్గాన్(కెప్టెన్), జేసన్ రాయ్, సామ్ బిల్లింగ్స్, లివింగ్​స్టోన్, డేవిడ్ మలన్, జాస్ బట్లర్(వికెట్ కీపర్), జానీ బెయిర్ ​స్టో(వికెట్ కీపర్), మొయిన్ అలీ, టామ్ కరన్, క్రిస్ జోర్డాన్, డేవిడ్ విల్లీ, క్రిస్ వోక్స్, టైమల్ మిల్స్, అదిల్ రషీద్, మార్క్ వుడ్.

ఇదీ చదవండి: