Kapil Dev Birthday: 'కపిల్​ దేవ్​కు టీమ్​ఇండియా ఇచ్చే పెద్ద గిఫ్ట్​ అదే'

Kapil Dev Birthday: క్రికెట్​ దిగ్గజం కపిల్​ దేవ్​ పుట్టినరోజు సందర్భంగా అతడిపై ప్రశంసల జల్లు కురిపించాడు మాజీ ఓపెనర్ సునీల్ గావస్కర్. దక్షిణాఫ్రికాతో టెస్టు సిరీస్​ నెగ్గి టీమ్ఇండియా.. కపిల్​కు బర్త్​డే గిఫ్ట్​ ఇవ్వాలని అన్నాడు. లిటిల్​ మాస్టర్​ సచిన్​ కూడా కపిల్​కు విషెస్​ చెబుతూ ట్విట్టర్​లో ఓ పోస్ట్ చేశాడు.

Kapil Dev Birthday: టీమ్​ఇండియా దిగ్గజం కపిల్​దేవ్​పై ప్రశంసలు కురిపించాడు మాజీ క్రికెటర్ సునీల్ గావస్కర్. కపిల్​ అత్యుత్తమ క్రికెటర్ అనికొనియాడాడు. లెజెండరీ కెప్టెన్ కపిల్​ దేవ్ 63వ పుట్టినరోజు సందర్భంగా భారత జట్టు జోహన్నెస్​బర్గ్ టెస్టు గెలిస్తే బాగుంటుందని ఆశాభావం వ్యక్తం చేశాడు.

"టీమ్​ఇండియా ప్రస్తుత జట్టులోను కపిల్​ను ఆదరించేవారు చాలా మంది ఉన్నారు. దక్షిణాఫ్రికాతో రెండో టెస్టు గెలిస్తే టీమ్​ఇండియా కపిల్​కు మంచి గిఫ్ట్​ ఇచ్చినట్లు అవుతుంది."

--సునీల్ గావస్కర్, మాజీ క్రికెటర్.

దక్షిణాఫ్రికాలో భారత జట్టు ఒక్క సిరీస్​ కూడా నెగ్గలేదని గావస్కర్ గుర్తుచేశాడు. 2018 వన్డే సిరీస్​ గెలిచినా టెస్టు సిరీస్​ 2-1తో ఓడిపోయిందని అన్నాడు. ఈ నేపథ్యంలో సిరీస్​ గెలవడం గొప్ప విషయమని వ్యాఖ్యానించాడు.

లిటిల్​ మాస్టర్​ విషెస్..

టీమ్​ఇండియా మాజీ ఓపెనర్ సచిన్​ తెందూల్కర్​.. కపిల్​ దేవ్​కు పుట్టిన రోజు శుభాకాంక్షలు తెలుపుతూ ట్విట్టర్​లో ఓ పోస్ట్ చేశాడు.

బెస్ట్ ఆల్​రౌండర్..

కపిల్​ దేవ్​ సారథ్యంలో టీమ్​ఇండియా ప్రపంచకప్​(1983) గెలిచిన సందర్భాన్ని గుర్తుచేస్తూ లెజెండరీ ఆల్​రౌండర్​కు ట్విట్టర్​ వేదికగా పుట్టినరోజు శుభాకాంక్షలు తెలిపింది బీసీసీఐ. 356 అంతర్జాతీయ మ్యాచ్​లు ఆడిన కపిల్ 9,031 పరుగులు చేశాడని, 687 వికెట్లు తీశాడని గుర్తు చేసింది.

వర్షం ఆటంకం..

జోహన్నెస్​బర్గ్​ వేదికగా జరుగుతున్న భారత్​, దక్షిణాఫ్రికా రెండో టెస్టు మ్యాచ్​ నాలుగో రోజు ఆటకు వర్షం కారణంగా అంతరాయం ఏర్పడింది. ఈ నేపథ్యంలో భోజన విరామం కూడా కాస్త ముందుగానే ప్రకటించారు.

మూడో రోజు ఆట ముగిసే సమయానికి దక్షిణాఫ్రికా రెండు వికెట్లు కోల్పోయి 118 పరుగులు చేసింది. భారత్​పై విజయం సాధించడానికి ప్రోటీస్​ జట్టు ఇంకా 122 పరుగులు చేయాల్సి ఉంది. ప్రస్తుతం క్రీజులో ఎల్గర్(46), వాండర్ డసెన్(11) ఉన్నారు.

ఇదీ చదవండి: