జట్టులోకి ఎంతమంది యువ ఆటగాళ్లు వచ్చినా విరాట్ కోహ్లీ(virat kohli news) స్థానాన్ని ఎవరూ భర్తీ చేయలేరని మాజీ క్రికెటర్‌ వీరేంద్ర సెహ్వాగ్ అన్నాడు. చాలాకాలంగా అతడు గొప్పగా రాణిస్తున్నాడని పేర్కొన్నాడు. టీ20 ప్రపంచకప్‌లో భాగంగా సోమవారం నమీబియాతో జరిగిన మ్యాచ్‌లో యువ ఆటగాడు సూర్యకుమార్ యాదవ్ మూడో స్థానంలో బ్యాటింగ్‌కు వచ్చాడు. ఈ నేపథ్యంలో టీ20ల్లో కోహ్లీ(virat kohli news) బ్యాటింగ్ స్థానంపై ప్రశ్నలు లేవనెత్తడం సరికాదని సెహ్వాగ్(virender sehwag on kohli) తెలిపాడు.
"టీమ్ఇండియాలోకి ఎంతమంది యువ ఆటగాళ్లు వచ్చినా.. విరాట్ కోహ్లీ(virat kohli news) స్థానాన్ని భర్తీ చేయలేరు. బ్యాటుతో చాలాకాలంగా అతడు గొప్పగా రాణిస్తున్నాడు. అతడికి ఇష్టమొచ్చినంత కాలం టీ20ల్లో ఆడుతూనే ఉంటాడు. అతడు బ్యాటింగ్‌కు దిగే స్థానంపై సందేహాలు అక్కర్లేదు" అని సెహ్వాగ్(virender sehwag on kohli) పేర్కొన్నాడు.