టీమ్‌ఇండియా పేసుగుర్రం జస్ప్రీత్‌ బుమ్రా ఎవరినీ కవ్వించడని మాజీ బ్యాటింగ్‌ కోచ్‌ సంజయ్‌ బంగర్‌ అన్నాడు. నిజానికి అండర్సన్‌ను రెచ్చగొట్టాలన్నది కెప్టెన్‌ విరాట్‌ కోహ్లీ ప్రణాళిక కావొచ్చని అంచనా వేశాడు. ప్రత్యర్థి జట్టులో ప్రధాన ఆటగాడిని కవ్వించాలన్నది అతడి ఉద్దేశం కావొచ్చని పేర్కొన్నాడు.
లార్డ్స్ టెస్టులో రెండు జట్ల ఆటగాళ్లు పరస్పరం కవ్వించుకున్నారు. మూడో రోజు బ్యాటింగ్‌కు వచ్చిన అండర్సన్‌కు బుమ్రా షార్ట్‌పిచ్‌ బంతులు వేయడం వల్ల ఇది మొదలైంది. కొన్ని బంతులు దేహానికి తగలడం వల్ల జిమ్మీ ఆవేశపడ్డాడు. అతడికి సారీ చెబుదామని వెళ్లిన బుమ్రాను తోసేని బూతులు తిట్టాడు. తర్వాతి రోజు బ్యాటింగ్‌కు వచ్చిన బుమ్రాకు ఆంగ్లేయులు షార్ట్‌పిచ్‌ల బంతులు విసిరి గాయపర్చాలని భావించారు. కానీ అది బెడిసికొట్టింది.