Ireland Zimbabwe match earthquake: ఓ మ్యాచ్ జరుగుతుండగా స్వల్పంగా భూకంపం వచ్చింది. కానీ మ్యాచ్కు అంతరాయం కలగలేదు. ప్లేయర్స్ యథావిధిగా ఆటను కొనసాగించి మ్యాచ్ ముగించారు.
ఎక్కడ జరిగిందంటే?
అండర్-19 ప్రపంచకప్లో భాగంగా క్వీన్స్ పార్క్ ఓవల్ వేదికగా జింబాబ్వే ఐర్లాండ్ మధ్య జరిగిన మ్యాచ్ జరిగింది. ఈ మ్యాచ్ జరుగుతుండగానే స్వల్పంగా భూకంపం సంభవించింది. లైవ్ బ్రాడ్కాస్ట్లో భాగంగా ఈ సంఘటన కెమెరాలో రికార్డు అయింది. దీనికి సంబంధించిన వీడియోను విడుదల చేశారు. అయితే భూకంపం వచ్చినట్లు కూడా ఆటగాళ్లకు అర్థం కానట్లు తెలుస్తోంది. వారు యథావిధిగా తమ ఆటను కొనసాగించి ముగించేశారు.
మ్యాథ్యూ హంఫ్రేస్.. ఆరో ఓవర్లో ఐదో బంతిని బ్రియన్ బెన్నెట్కు వేసేటప్పుడు ఈ భూకంపం వచ్చిందని కామెంటేటర్స్ తెలిపారు. ఆ సమయంలో ఫ్రంట్ ఆన్ కెమెరాలో చుట్టుపక్కల అంతా షేక్ అయినట్లు వారు వివరించారు.