మామూలోడు కాదు.. ఐపీఎల్​ మ్యాచ్​లను సొంత యాప్​లో పెట్టేశాడు!

Youth Arrested For Broadcasting IPL: తన సొంత యాప్ ద్వారా ఐపీఎల్ క్రికెట్ మ్యాచ్‌ను ప్రసారం చేస్తున్న ఓ యువకుడిని హైదరాబాద్​ పోలీసులు అరెస్ట్ చేశారు. తమిళనాడు శివగంగైకి చెందిన రామమూర్తిని పోలీసులు అక్కడికి వెళ్లి అదుపులోకి తీసుకున్నారు.

Youth Arrested For Broadcasting IPL: ఐపీఎల్​ మ్యాచ్​ను తన సొంత యాప్​లో ప్రసారం చేస్తున్న యువకుడిని హైదరాబాద్​ పోలీసులు అరెస్ట్ చేశారు. ఇతడిని తమిళనాడు శివగంగై సమీపంలోని కంజిరంగల్​కు చెందిన రామమూర్తి(29)గా పోలీసులు గుర్తించారు. కాగా ఇతడిపై 2021 లోనే కేసు నమోదైంది.

రామమూర్తి 2021లో ఎలాంటి అనుమతి లేకుండా ఐపీఎల్​ను ప్రత్యేక ప్రసారం చేశాడు. అయితే దీనిపై హైదరాబాద్​లోని బంజారాహిల్స్​ ప్రాంతానికి చెందిన కడారం తుప్పా అనే వ్యక్తి సైబర్​ క్రైమ్​ పోలీసులకు ఫిర్యాదు చేశారు. ఈ మేరకు కేసు నమోదు చేసి విచారణ చేపట్టిన పోలీసులు.. శివగంగై వెళ్లి అతడిని అదుపులోకి తీసుకున్నారు. అనంతరం శివగంగై కోర్టులో హాజరుపరిచి హైదరాబాద్​కు తరలించారు. ఉన్నత చదువు పూర్తయ్యాక ఉద్యోగం లేకపోవడం వల్లే ఇలా చేశానని రామమూర్తి పోలీసులకు తెలిపాడు.

ఇదీ చదవండి:ఫించ్​తో​ మాటల యుద్ధం.. భారత క్రికెటర్​పై నెటిజన్ల ఆగ్రహం!