IPL 2023 Play off Race : ఇండియన్ ప్రీమియర్ లీగ్ 2023వ సీజన్ మ్యాచ్‌లు చివరి దశకు చేరుకున్నాయి. దీంతో ఆయా జట్ల మధ్య ప్లేఆఫ్స్ బెర్త్ రేసు ఉత్కంఠగా కొనసాగుతోంది. ఏ జట్లు ప్లేఆఫ్స్కు చేరనున్నాయి? ఏ జట్లు పోటీపడనున్నాయి? అంటూ ఆసక్తిగా ఎదురుచూస్తున్నారు క్రికెట్ ప్రియులు. ఈ నేపథ్యంలో ప్రతి మ్యాచూ, ప్రతి పాయింటూ కీలకం అవ్వడం వల్ల.. కేవలం విజయాలపైనే కాకుండా నెట్‌ రన్‌రేట్‌పై కూడా ఆయా జట్లు ఫుల్ ఫోకస్ పెడుతున్నాయి. దాదాపు అన్ని టీమ్స్ కూడా ఇంకా ఒకటో రెండో మ్యాచ్‌లు మాత్రమే ఆడాల్సి ఉంది. అయితే తాజాగా సోమవారం సన్రైజర్స్ హైదరాబాద్పై విజయం సాధించడంతో పాయింట్ల పట్టికలో అగ్రస్థానంలో కొనసాగుతున్న గుజరాత్ టైటాన్స్.. 18 పాయింట్లతో అధికారికంగా ప్లేఆఫ్స్కు చేరిపోయింది. ఈ సీజన్లో ప్లేఆఫ్స్కు చేరిన తొలి జట్టుగా నిలిచింది. మరి ఈ ప్లేఆఫ్స్కు చేరే ఛాన్స్ ఉన్న మిగతా జట్లను ఓ సారి పరిశీలిద్దాం..
మొత్తం పది జట్లు ఆడే ఈ ఐపీఎల్‌ సీజన్లో తొలి నాలుగు స్థానాల్లో నిలిచే జట్లు మాట్రమే ప్లేఆఫ్స్ చేరుకుంటాయన్న సంగతి దాదాపు క్రికెట్ ప్రియులందరికీ తెలిసిన విషయమే. ఇందులో ఫస్ట్ రెండు స్థానాలు ఎంతో ప్రత్యేకం. ఎందుకంటే ఇక్కడ ఓడిన జట్టుకు మరో ఛాన్స్ ఉంటుంది. దీంతో ప్లేఆఫ్స్ కోసం పోటీపడే జట్లు టాప్‌-2లో ఉండేందుకు తీవ్రంగా ప్రయత్నిస్తుంటాయి.
Gujarat Titans Play Offs Race : ఈ సీజన్‌లోనూ అద్భుత ప్రదర్శన చేస్తూ ప్లేఆఫ్స్‌లో చేరిన తొలి జట్టుగా నిలిచింది గుజరాత్. పాయింట్ల పట్టికలో 18 పాయింట్లతో ఉన్న ఈ జట్టు.. ఆడాల్సింది ఇంకో మ్యాచ్‌ మాత్రమే ఉంది. ఈ చివరి మ్యాచ్‌లోనూ బెంగళూరుపై గెలిస్తే.. ముంబయి ఇండియన్స్ ఆడే మ్యాచ్‌ల రిజల్ట్తో సంబంధం లేకుండా ఫస్ట్ ప్లేస్లో కొనసాగుతుంది.
Chennai Super Kings Play Offs Race : ప్రస్తుతం పాయింట్ల పట్టికలో 15 పాయింట్లతో రెండో స్థానంలో ఉన్న చెన్నై సూపర్ కింగ్స్.. ఆదివారం కోల్‌కతాపై ఓడిపోవడంతో కాస్త ఎఫెక్ట్ పడింది. దీంతో పాయింట్ల టేబుల్లో టాప్‌ రెండు స్థానాల్లో నిలిచే అవకాశాలు తగ్గాయి. చివరి మ్యాచ్‌లో తమ సొంతమైదానంలో దిల్లీ క్యాపిటల్స్‌తో తలపడనుంది సీఎస్కే. ఆ మ్యాచ్‌లో గెలిస్తే.. ప్లేఆఫ్స్ బెర్తు ఖాయం అవుతుంది. ఒకవేళ ఆ మ్యాచ్‌లో ఓడితే ఇతర జట్ల రిజల్ట్పై చెన్నై ప్లే ఆఫ్ బెర్త్ ఆధారపడి ఉంటుంది. అప్పుడు, ముంబయి, లఖ్నవూ, బెంగళూరుతో గట్టి పోటీ పడాల్సి ఉంటుంది.
Mumbai Indians Play Offs Race : ముంబయి ఇండియన్స్.. పాయింట్ల టైబుల్లో మూడో స్థానాన్ని సొంతం చేసుకునే అవకాశాలు ఉన్నాయి. ఎందుకంటే.. తన తదుపరి రెండు(లఖ్నవూ, సన్‌రైజర్స్‌తో) మ్యాచ్‌ల్లోనూ గెలిస్తే.. 18 పాయింట్లతో క్వాలిఫయర్‌ 1లోనే ప్లేస్‌ను దక్కించుకునే ఛాన్స్ ఉంది. ఒకవేళ రెండూ ఓడిపోతే.. టేబుల్లో కింద ఉన్న ఇతర టీమ్స్ ముంబయిను దాటేస్తాయి. దీంతో ప్లేఆఫ్స్ బెర్త్ కోసం ఇతర జట్లతో గట్టిగా పోటీపడాల్సి ఉంటుంది. లేదంటే ఒక్కటి గెలిచినా.. ముంబయికి ఛాన్స్ ఉంటుంది.
Lucknow Super Giants Play Offs Race : ప్రస్తుతం 13 పాయింట్లతో ఉన్న లఖ్నవూ.. ఇంకా రెండు (ముంబయి, కోల్‌కతాతో) మ్యాచులు ఆడాల్సి ఉంది. ఈ రెండింటిలో లఖ్నవూ ఓడిపోతే.. ప్లేఆఫ్స్ అవకాశాల కోసం ఇతర జట్ల రిజల్స్పై ఆధారపడాల్సి ఉంటుంది. లేదంటే ఒక్క మ్యాచ్‌లో గెలిచినా.. రాజస్థాన్, కోల్కతా ప్లేఆఫ్స్ రేసు నుంచి నిష్క్రమిస్తాయి. ఒకవేళ చెన్నై- ముంబయి చివరి మ్యాచ్‌ల్లో ఓడి.. అలాగే లఖ్నవూ రెండు మ్యాచ్‌ల్లోనూ గెలిస్తేనే.. 17 పాయింట్లతో టాప్‌ 2లో ఉంటే ఛాన్స్ ఉంటుంది.
Royal Challengers Bangalore Play Offs Race : ప్రస్తుతం 12 పాయింట్లతో ఉన్న ఆర్సీబీ .. ఇంకా రెండు (సన్రైజర్స్, గుజరాత్‌లతో) మ్యాచ్‌లు ఆడాల్సి ఉంటుంది. ఆర్సీబీ రెండు మ్యాచ్‌ల్లోనూ గెలిస్తేనే ప్లేఆఫ్స్ రేసులో ఉంటుంది. అప్పటికీ కొన్ని సమీకరణాలు అనుకూలించాలి. ముంబయి- లఖ్నవూ కనీసం ఒక మ్యాచైనా ఓడిపోవాలి. అది కూడా ముంబయి కంటే ఆర్సీబీ రన్ రేట్ ఎక్కువగా ఉండాలి. అప్పుడు 16 పాయింట్లతో ప్లేఆఫ్స్కు వెళ్లే ఛాన్స్ ఉంటుంది. ఆర్సీబీ ఒక్క మ్యాచ్‌లోనే గెలిస్తే.. 14 పాయింట్లతో ఇతర టీమ్స్లతో పోటీ పడాల్సి ఉంటుంది. దీనికి కూడా సమీకరణాలు వర్తిస్తాయి.
Punjab Kings Play Offs Race : 12 పాయింట్లతో ఉన్న పంజాబ్‌ కింగ్స్.. తన తదుపరి రెండు మ్యాచ్‌ల్లో గెలవడంతో పాటు ఇతర జట్ల రిజల్ట్స్ తనకు కలిసి రావాలి. ఇక పాయింట్ల పట్టికలో చివరి రెండు స్థానాల్లో ఉన్న సన్రైజర్స్, దిల్లీ క్యాపిటల్స్.. ఇప్పటికే ప్లేఆఫ్స్ రేసు నుంచి నిష్క్రమించాయి. రాజస్థాన్, కోల్కతా ఒక్కో మ్యాచ్‌ ఆడాల్సి ఉంది. ఒక వేళ ఈ మ్యాచుల్లో గెలిచినా.. అవి ఇతర జట్ల ప్లే ఆఫ్స్ ఛాన్స్లను ప్రభావితం చేస్తాయే కానీ.. ప్లేఆఫ్స్‌లో చేరడం దాదాపు కష్టమనే చెప్పాలి.
ఇదీ చూడండి:భువనేశ్వర్ కుమార్ అరుదైన ఘనత.. గెలుపు జోష్లో ఉన్న గుజరాత్కు షాక్!
