కోల్కతా నైట్ రైడర్స్ దాదాపు ప్లేఆఫ్స్(KKR playoffs) చేరింది. దీనిపై స్పందిస్తూ.. ఆ జట్టు కెప్టెన్ ఇయాన్‌ మోర్గాన్(Morgan KKR player) సంతోషం వ్యక్తం చేశాడు. గురువారం రాత్రి రాజస్థాన్‌ను ఓడించిన ఆ జట్టు మెరుగైన రన్‌రేట్‌తో కొనసాగుతోంది. ఇక కోల్కతా అవకాశాలను గల్లంతు చేయాలంటే ఈరోజు మ్యాచ్‌లో ముంబయి ఇండియన్స్‌(MI vs SRH) 171 పరుగుల భారీ తేడాతో సన్‌రైజర్స్‌ను ఓడించాలి. అయితే అది అసాధ్యమనే చెప్పాలి. ఈ నేపథ్యంలో గతరాత్రి మోర్గాన్ మాట్లాడాడు.
"టాస్‌ ఓడి బ్యాటింగ్‌కు దిగి ఒక లక్ష్యాన్ని నిర్దేశించడం అంత తేలిక కాదు. అయినా, మా ఓపెనర్లు వెంకటేశ్‌ అయ్యర్, శుభ్‌మన్‌గిల్‌ అద్భుతంగా ఆడారు. రెండో దశలో వీరిద్దరూ మా జట్టుకు షైనింగ్ స్టార్స్లా మారారు. అవకాశాలను సద్వినియోగం చేసుకున్నారు. రాజస్థాన్ బౌలింగ్‌ను మంచి టైమింగ్‌తో ఎదుర్కొన్నారు. ఇక రసెల్‌ స్థానంలో షకిబ్‌ జట్టులోకి వచ్చి రాణించడం గొప్పగా ఉంది. అయితే, మేం రసెల్‌ సేవలను కొద్దిగా మిస్సవుతున్నాం. ఎందుకంటే అతడు సరైన ఆల్‌రౌండర్‌. గాయం బారిన పడిన అతడు త్వరగా కోలుకుంటాడని ఆశిస్తున్నాం. ఇక ఈ విజయంతో ప్లేఆఫ్స్‌కు చేరువైనందుకు సంతోషంగా ఉంది" అని మోర్గాన్ వివరించాడు.
ఇక్కడ 171 పరుగులు ఛేదించొచ్చు: సంజూ