ఇండియన్ ప్రీమియర్ లీగ్ 2023లో భాగంగా ఆదివారం జరిగిన మ్యాచ్లో గుజరాత్ టైటాన్స్ ఓపెనింగ్ బ్యాటర్ శుభ్మన్ గిల్ తన ఫామ్ను కొనసాగిస్తూ చెలరేగిపోయాడు. దీంతో ఆర్సీబీతో జరిగిన పోరులో గుజరాత్దే పైచేయిగా నిలిచింది. ప్లేఆఫ్స్పై ఆశలు పెట్టుకున్న బెంగళూరు జట్టు నిరాశతో వెనుతిరిగింది. ఇక సోషల్ మీడియా వేదికగా కొందరు ఫ్యాన్స్.. ఈ మ్యాచ్ విషయంపై రకరకాలుగా కామెంట్లు చేయడం మొదలు పెట్టారు. ఆర్సీబీ జట్టుకు సపోర్ట్ చేసే కొంతమంది అభిమానులు మాత్రం హద్దులు దాటి ఏకంగా గుజరాత్ టీమ్ ప్లేయర్ శుభమన్ గిల్ సోదరి షహనీల్గిల్ను టార్గెట్ చేశారు. ఆమె పెట్టిన ఇన్స్టా పోస్ట్ను ట్రోల్ చేస్తూ కామెంట్లు పెట్టారు.
ఆదివారం జరిగిన మ్యాచ్ను వీక్షించేందుకు శుభ్మన్ సోదరి స్టేడియానికి వచ్చారు. స్టాండ్లో తన స్నేహితులతో కలిసి గుజరాత్ జట్టుకు సపోర్ట్ చేశారు. ఈ క్రమంలో ఆమె తన ఫొటోలను కొన్నింటిని ఇన్స్టాలో షేర్ చేశారు. "వాట్ ఎ హోల్‌సమ్ డే" అంటూ క్యాప్షన్ జోడించారు.
అయితే ఈ పోస్ట్పై కొంత మంది అభిమానులు షహనీల్తో పాటు శుభ్మన్ గురించి ద్వేషపూరిత కామెంట్లు పెట్టారు. అయితే ఈ కామెంట్లు చూసిన మరో వర్గం ఫ్యాన్స్.. సోషల్ మీడియా వేదికగా ఇలాంటి విద్వేషపూరిత కామెంట్లు పెట్టినవారిని తిట్టిపోస్తున్నారు. మ్యాచ్ అన్నాక గెలుపోటములు సహజమని దాని కోసం ప్రత్యర్థి జట్ల ప్లేయర్ల కుటుంబసభ్యలను ఇలా టార్గెట్ చేయడం సమంజసం కాదని అంటున్నారు. మరోవైరు ఇదే విషయంపై విరాట్ గిల్ ఫ్యాన్స్ మధ్యలో నెట్టింట పెద్ద వార్ సైతం నడుస్తోంది.