Rohit Sharma fan arrest: ఐపీఎల్ మెగా లీగ్లో గత శనివారం ఆర్సీబీతో ముంబయి తలపడింది. ఈ మ్యాచ్లో ఆర్సీబీ చేతిలో 7 వికెట్ల తేడాతో ఓటమిపాలైంది రోహిత్ సేన. అయితే ఆర్సీబీ బ్యాటింగ్ చేస్తున్న సమయంలో.. ఇన్నింగ్స్ 13వ ఓవర్లో సెక్యూరిటీ కళ్లు గప్పి రోహిత్ శర్మ అభిమాని మైదానంలోకి ప్రవేశించాడు. దీనికి సంబంధించిన వీడియో కూడా వైరల్ అయింది. అయితే ఇప్పుడా అభిమానిని పోలీసులు అరెస్ట్ చేశారు.
మైదానంలోకి ప్రవేశించిన రోహిత్ అభిమాని సితారా జిల్లాలోని ఖండాలా తాలుకాకు చెందిన దర్షత్ జాధవ్గా గుర్తించారు పోలీసులు. మ్యాచ్ జరుగుతున్న సమయంలో నిబంధనలు ఉల్లంఘించడం సహా గ్రౌండ్ నుంచి తనను తీసుకెళ్లేందుకు వచ్చిన సిబ్బందితో దురుసుగా ప్రవర్తించిన కారణంగా అదుపులోకి తీసుకున్నట్లు అధికారులు తెలిపారు. ఐపీసీ సెక్షన్ 447, 353 ప్రకారం ఎఫ్ఐఆర్ నమోదు చేసినట్లు చెప్పారు.
" హెచ్చరికలు చేస్తున్నా వినకుండా కంచెపైనుంచి దూకి మైదానంలోకి ప్రవేశించాడు. తొలుత విరాట్ వైపు వెళ్లిన అతను.. రోహిత్ వైపు తిరిగాడు. ఆ వెంటనే అక్కడ ఉన్న పోలీసులు అతడిని బయటకు పంపించారు. మైదానం నుంచి బయటకి తీసుకొస్తున్న సమయంలో సిబ్బందితో దురుసుగా ప్రవర్తించటం సహా గందరగోళం సృష్టించాడు. అందుకే అతడిని అరెస్ట్ చేశాం."