దిల్లీతో మ్యాచ్​కు కెప్టెన్ కేఎల్ రాహుల్​ దూరం

పంజాబ్​ కింగ్స్​ సారథి కేఎల్​ రాహుల్​ దూరమయ్యాడు. చిన్న సర్జరీ కారణంగా అతడు దిల్లీతో మ్యాచ్​ ఆడట్లేదని తెలిపింది ఫ్రాంచైజీ.

పంజాబ్​ కింగ్స్​కు ఎదురుదెబ్బ తగిలింది. జట్టు కెప్టెన్ కేఎల్​ రాహుల్..​ అపెండిసైటిస్ ఆపరేషన్ కారణంగా ఆదివారం రాత్రి, దిల్లీ క్యాపిటల్స్​తో జరగాల్సిన మ్యాచ్​కు దూరమయ్యాడు. ఈ విషయాన్ని ఫ్రాంచైజీ వెల్లడించింది.

ప్రస్తుతం అతడికి సర్జరీ చేయించేందుకు ముంబయికి తరలించినట్లు వెల్లడించింది. అతడి స్థానంలో తాత్కాలిక సారథిగా మయాంక్​ అగర్వాల్​ను నియమించినట్లు తెలిపింది. అయితే అతడు కోలుకుని తిరిగి జట్టుతో చేరడానికి దాదాపు పది రోజులు పడుతుందని సమాచారం.