దిల్లీ క్యాపిటల్స్ కోచ్ రికీ పాంటింగ్.. ఆ జట్టు బ్యాట్స్మన్ పృథ్వీషాకు ఉన్న వింత అలవాటు గురించి చెప్పాడు. గతేడాది ఐపీఎల్ సందర్భంగా ఈ విషయాన్ని తెలుసుకున్నానని అన్నాడు. అయితే ఈ అలవాటు కెరీర్కు ఏమాత్రం మంచిది కాదని అతడితో చెప్పినట్లు పేర్కొన్నాడు.
ఇంతకీ ఏం జరిగింది?
గత సీజన్లో దిల్లీ క్యాపిటల్స్ ఓపెనర్గా వచ్చిన యువ క్రికెటర్ పృథ్వీషా ఘోరంగా విఫలమయ్యాడు. 13 మ్యాచ్ల్లో 228 పరుగులు మాత్రమే చేశాడు.
గత సీజన్లో 10 కంటే తక్కువ పరుగుల చేసిన నాలుగు సందర్భాల్లో పృథ్వీ షాతో తాను మాట్లాడానని, అప్పడు తన కళ్లల్లోకి చూసిన అతడు.. మ్యాచ్లో స్కోరు చేయకపోతే నెట్స్లో ప్రాక్టీసు చేయనని తనతో చెప్పినట్లు పాంటింగ్ వెల్లడించాడు. ఇది ఏ మాత్రం మంచిది కాదని చెప్పి, అతడికి బ్యాటింగ్లో సలహాలు ఇచ్చినట్లు తెలిపాడు.
అయితే ఐపీఎల్ పూర్తయిన కొద్దిరోజులకే విజయ్ హజారే టోర్నీలో పాల్గొన్న పృథ్వీషా ఆకాశమే హద్దుగా చెలరేగాడు. 8 మ్యాచ్ల్లో 827 పరుగులు చేశాడు. ఈ క్రమంలోనే ఓ సీజన్లో 800 కంటే ఎక్కువ పరుగుల చేసిన తొలి బ్యాట్స్మన్గా నిలిచాడు. దీంతో ఈ సీజన్లో షా పరుగుల వరద పారిస్తాడని పాంటింగ్ ఆశాభావం వ్యక్తం చేస్తున్నాడు.