యువ క్రికెటర్ రిషభ్ పంత్లో స్టార్ ఆటగాళ్లు కోహ్లీ, విలియమ్సన్ కనిపిస్తున్నారని దిల్లీ క్యాపిటల్స్ కోచ్ పాంటింగ్ అన్నాడు. అలానే కీపింగ్లో మెరుగుపడితే మరో 10-12 ఏళ్లు టీమ్ఇండియా తరఫున ప్రధాన వికెట్కీపర్గా అతడే కొనసాగుతాడని అభిప్రాయపడ్డాడు. దీనితో పాటు పలు ఆసక్తికర విషయాల్ని పంచుకున్నారు.
"పంత్ దూకుడులో కోహ్లీ, కెప్టెన్సీలో విలియమ్సన్ కనిపిస్తున్నాడు. ఐపీఎల్ పంత్ బ్యాటింగ్ స్థానంపై మాకు స్పష్టత లేదు. కానీ నాలుగు, ఐదు స్థానాలు అతడికి సరిపోయినట్లుంది. బ్యాటింగ్లో బాగా ఆడుతున్నప్పటికీ, కీపింగ్ చిన్న చిన్న పొరపాట్లు చేస్తున్నాడు. వాటిని సరిచేసుకుంటే టీమ్ఇండియాకు మరో 10-12 ఏళ్లు ప్రధాన వికెట్ కీపర్ అతడే" అని పాంటింగ్ చెప్పాడు.
శ్రేయస్ అయ్యర్కు భుజం గాయం కావడం వల్ల అతడు ఈ సీజన్ మొత్తానికి దూరమయ్యాడు. దీంతో పంత్కు సారథ్య బాధ్యతలు అప్పగించింది దిల్లీ ఫ్రాంచైజీ. చెన్నైతో జరిగిన తొలి మ్యాచ్లో విజయం సాధించింది. రాజస్థాన్ రాయల్స్తో గురువారం జరగబోయే మ్యాచ్కు సిద్ధమవుతోంది.