దేశంలో కరోనా రెండోదశ వేగంగా వ్యాపిస్తున్న వేళ తన వంతు సాయాన్ని అందించేందుకు పంజాబ్ కింగ్స్ బ్యాట్స్మన్ నికోలస్ పూరన్ ముందుకొచ్చాడు. ఐపీఎల్ ఆడే మ్యాచ్లతో వచ్చిన జీతంలో కొంతభాగాన్ని విరాళంగా ఇవ్వనున్నట్లు ప్రకటించాడు.
"ప్రపంచంలో మిగతా దేశాలు కరోనా వైరస్తో పోరాడుతున్నప్పటికీ.. భారతదేశంలో పరిస్థితి చాలా తీవ్రంగా ఉంది. ఇలాంటి సమయంలో నా వంతుగా ఆర్థిక సహాయాన్ని చేయాలని నిర్ణయించుకున్నా"
- నికోలస్ పూరన్, పంజాబ్ కింగ్స్ బ్యాట్స్మన్
ఇదే విధంగా కరోనా బాధితులకు ఆక్సిజన్ సరఫరాకు అవసరమయ్యే నిధులను ఇస్తామని పంజాబ్ కింగ్స్ యాజమాన్యం ప్రకటించింది. "కరోనాకు వ్యతిరేకంగా దేశంలో జరుగుతోన్న పోరాటానికి మేము మద్దతిస్తున్నాం. ఈ సందర్భంగా మా వంతుగా సాధ్యమైనంత సాయాన్ని విరాళంగా ఇవ్వాలని అందర్నీ కోరుతున్నాం" అని పంజాబ్ కింగ్స్ ట్వీట్ చేసింది.
ఇదీ చూడండి..ఈ విజయాన్ని వారికి అంకితమిస్తున్నా: పంత్
