దిల్లీతో మ్యాచ్​కు ముందు ధోనీ ధనాధన్!

ఐపీఎల్​ రెండో మ్యాచ్​లో తలపడేందుకు సిద్ధమయ్యాయి చెన్నై సూపర్ కింగ్స్, దిల్లీ క్యాపిటల్స్. ఈ క్రమంలోనే ఇరుజట్లు ప్రాక్టీస్​లో బిజీ అయ్యాయి. చెన్నై సారథి ధోనీ కూడా నెట్స్​లో తీవ్రంగా శ్రమిస్తున్నాడు. ఈ వీడియోను సామాజిక మాధ్యమాల్లో షేర్ చేసింది ఫ్రాంచైజీ.

ఐపీఎల్​ రెండో మ్యాచ్​లో దిల్లీ క్యాపిటల్స్​తో తలపడనుంది చెన్నై సూపర్ కింగ్స్. ధోనీ కెప్టెన్సీలో అనుభవజ్ఞులతో కూడిన చెన్నైని ఢీకొట్టేందుకు సిద్ధమైంది పంత్ సారథ్యంలోని దిల్లీ. ఈ రెండు జట్ల మ్యాచ్ కోసం అభిమానులు ఆత్రుతగా ఎదురుచూస్తున్నారు. ఈ క్రమంలోనే ఇరుజట్లు ప్రాక్టీస్​ను ముమ్మరం చేశాయి. ఆటగాళ్లు అటు బౌలింగ్, ఇటు బ్యాటింగ్​తో పాటు పీల్డింగ్​లో కసరత్తులు చేస్తున్నారు.

ఈ క్రమంలోనే నెట్స్​లో ధోనీ ధనాధన్ సిక్సులు బాదుతూ కనిపించాడు. ఈ వీడియోను సామాజిక మాధ్యమాల్లో షేర్ చేసింది ఫ్రాంచైజీ. దిల్లీతో మ్యాచ్​కు ముందు మహీ ఇలా సిక్సులు కొడుతుంటే అభిమానులు సంతోషం వ్యక్తం చేస్తున్నారు. ఇదే జోష్​ను మ్యాచ్​లోనూ కొనసాగించాలని ఆశిస్తున్నారు.