చివరి ఓవర్‌ వరకు ఉత్కంఠగా సాగిన మ్యాచ్లో (IPL 2021) పంజాబ్ కింగ్స్పై రాయల్ ఛాలెంజర్స్ బెంగళూరు (RCB vs PBKS) జట్టు 6 పరుగుల తేడాతో విజయం సాధించింది. బెంగళూరు బౌలర్లు కట్టుదిట్టంగా బౌలింగ్‌ చేయడం వల్ల పంజాబ్.. నిర్ణీత 20 ఓవర్లలో ఆరు వికెట్లు కోల్పోయి 158 పరుగులు మాత్రమే చేయగలిగింది. ఓపెనర్ మయాంక్ అగర్వాల్ (57) అర్ధ శతకంతో రాణించినా పంజాబ్కు (IPL 2021 Live) ఓటమి తప్పలేదు. కెప్టెన్‌ రాహుల్‌ (39), మార్‌క్రమ్‌ (20) ఫర్వాలేదనిపించారు. షారుక్‌ ఖాన్‌ (16) చివరి ఓవర్లో ఔటయ్యాడు. నికోలస్ పూరన్‌ (3), సర్ఫరాజ్‌ (0) విఫలమయ్యారు. బెంగళూరు బౌలర్లలో యుజువేంద్ర చాహల్‌ మూడు వికెట్లు, షాబాజ్‌ అహ్మద్, జార్జ్‌ గార్టన్ తలో వికెట్‌ తీశారు. ఈ విజయంతో ప్లే ఆఫ్స్ (IPL Play Offs) బెర్తు ఖరారు చేసుకుంది ఆర్సీబీ.
అంతకు ముందు టాస్‌ గెలిచి బ్యాటింగ్‌కి దిగిన రాయల్ ఛాలెంజర్స్ బెంగళూరు (RCB vs PBKS) నిర్ణీత 20 ఓవర్లలో ఏడు వికెట్లు కోల్పోయి 164 పరుగులు చేసింది. గ్లెన్‌ మాక్స్‌వెల్‌ (57) అర్ధ శతకంతో ఆకట్టుకున్నాడు. ఓపెనర్లు (RCB vs PBKS Live Score) దేవ్‌దత్‌ పడిక్కల్‌ (40), విరాట్‌ కోహ్లి (25) శుభారంభం చేశారు. డి విలియర్స్‌ (23) ఫర్వాలేదనిపించాడు. షాబాజ్‌ అహ్మద్ (8) ఆకట్టుకోలేకపోయాడు. డేనియల్ క్రిస్టియన్‌ (0), జార్జ్‌ గార్టన్ (0) డకౌటయ్యారు. పంజాబ్ బౌలర్లలో హెన్రిక్స్‌ మూడు, షమి మూడు వికెట్లు తీశారు.