ఆస్ట్రేలియా బ్యాట్స్మన్ స్టీవ్స్మిత్ను అతితక్కువ ధరకే సొంతం చేసుకోవడం తమ అదృష్టమని అంటున్నాడు దిల్లీ క్యాపిటల్స్ అసిస్టెంట్ కోచ్ మహ్మద్ కైఫ్. అయితే వేలంలో అతడిని ఎంత ధరకైనా కొనేందుకు తమ యాజమాన్యం సిద్ధపడిందని వేలం అనంతరం మీడియాతో వెల్లడించాడు.
"ఐపీఎల్ గత సీజన్లో మా టీమ్లోని కీలక ఆటగాళ్లైన అమిత్ మిశ్రా, ఇషాంత్ శర్మ గాయాలతో టోర్నీకి దూరమయ్యారు. ఈ నేపథ్యంలో ప్రస్తుత సీజన్కు బ్యాకప్ కోసం అంతర్జాతీయ క్రికెటర్లను వేలంలో కొనుగోలు చేయాలని నిర్ణయించుకున్నాం. నాకు తెలిసి అతడు (స్మిత్) అంత తక్కువ దొరకడం మా అదృష్టం".