ఐపీఎల్లో మరో రసవత్తర పోరుకు రంగం సిద్ధమైంది. టోర్నీలో గురువారం జరగనున్న రెండో మ్యాచ్లో దిల్లీ క్యాపిటల్స్తో కోల్కతా నైట్రైడర్స్ తలపడనుంది. ఈ ఐపీఎల్లో తామాడిన 6 మ్యాచ్ల్లో.. దిల్లీ 4, కోల్కతా 2 విజయాలు సాధించాయి. పాయింట్ల పట్టికలో దిల్లీ మూడు, కోల్కతా ఐదో స్థానంలో కొనసాగుతున్నాయి.
తప్పిదం తెలుసుకొని..
రాయల్ ఛాలెంజర్స్ బెంగళూరుతో మంగళవారం జరిగిన మ్యాచ్లో దిల్లీ క్యాపిటల్స్ జట్టు ఒక్క పరుగు తేడాతో ఓడిపోయింది. ఈ మ్యాచ్లో అటు బ్యాటింగ్తో పాటు బౌలింగ్లోనూ రాణించిన దిల్లీ.. చివరికి ఒక్క పరుగు వ్యత్యాసంతో పరాజయం పొందడం ఆటగాళ్లను కలవరానికి గురిచేసింది. అయితే ఈ మ్యాచ్ చివరి ఓవర్లో మార్కస్ స్టోయినిస్ ఎక్కువ పరుగులు ఇవ్వడం సహా ఓపెనర్లు విఫలం కావడం వల్లే ఓటమికి కారణాలుగా తెలుస్తున్నాయి.
బ్యాటింగ్లో పృథ్వీ షా, ధావన్, స్మిత్, పంత్, హెట్మయర్, స్టోయినిస్లతో దుర్భేద్యంగా ఉంది దిల్లీ. బౌలింగ్లోనూ అవేశ్ ఖాన్, మిశ్రా అదరగొడుతున్నారు. రబాడా, అక్షర్ నిరూపించుకోవాల్సి ఉంది.
పుంజుకున్నారా?
పంజాబ్ కింగ్స్తో ఆడిన చివరి మ్యాచ్లో కోల్కతా నైట్రైడర్స్ జట్టు గెలుపొందింది. ఈ మ్యాచ్లో ప్రత్యర్థిని తక్కువ పరుగులకే పరిమితం చేయడంలో కోల్కతా బౌలర్ల కృషి కనిపిస్తోంది. అయితే టాప్ ఆర్డర్ బ్యాట్స్మెన్ మాత్రం తడబడుతున్నారు. నితీశ్ రాణా, శుభ్మన్ గిల్, సునీల్ నరైన్ నిలకడైన ప్రదర్శన చేయలేకపోతున్నారు.
దినేశ్ కార్తిక్, కెప్టెన్ ఇయాన్ మోర్గాన్ ఫర్వాలేదనిపిస్తున్నారు. గత మ్యాచ్లో రాణించారు. రసెల్ అంతగా ఆకట్టుకోలేకపోతున్నాడు.
తుదిజట్లు(అంచనా):
కోల్కతా నైట్ రైడర్స్:ఇయాన్ మోర్గాన్ (కెప్టెన్), నితీశ్ రాణా, శుభ్మన్ గిల్, రాహుల్ త్రిపాఠి, సునీల్ నరైన్, దినేశ్ కార్తిక్ (వికెట్ కీపర్), ఆండ్రూ రస్సెల్, ప్యాట్ కమిన్స్, శివమ్ మావి, ప్రసిధ్ కృష్ణ, వరుణ్ చక్రవర్తి.
దిల్లీ క్యాపిటల్స్ :పృథ్వీ షా, శిఖర్ ధావన్, స్టీవ్ స్మిత్, రిషభ్ పంత్ (కెప్టెన్, వికెట్కీపర్), మార్కస్ స్టోయినిస్, హెట్మెయర్, అక్షర్ పటేల్, ఇషాంత్ శర్మ, రబాడ, అమిత్ మిశ్రా, అవేశ్ ఖాన్.
ఇదీ చూడండి..ఐపీఎల్పై మోర్గాన్ అలా.. జంపా ఇలా!
