ఐపీఎల్ 15వ సీజన్ నుంచి చెన్నై సూపర్ కింగ్స్ మాజీ కెప్టెన్ రవీంద్ర జడేజా తప్పుకున్నాడు. అయితే జడేజా తప్పుకోవడంపై అనేక ఊహాగానాలు వినిపిస్తున్నాయి. పక్కటెముక గాయం కారణంగా తదుపది మ్యాచ్లకు జడేజా అందుబాటులో ఉండడని నిర్వాహకులు చెబుతున్నా.. ఆ ప్రకటనను క్రికెట్ అభిమానులు నమ్మడం లేదు. సూపర్ కింగ్స్ యాజమాన్యం కావాలనే జడేజాను తప్పించినట్లు ప్రచారం జరుగుతోంది. ఇన్స్టాలో జడేజాను సీఎస్కే అన్ఫాలో చేయడమే ఇందుకు మరింత బలాన్ని చేకూరుస్తోంది.
గాయం కారణంగానే దిల్లీ క్యాపిటల్స్‌తో జరిగిన మ్యాచ్‌లో జడేజా ఆడలేదు. బెంగళూరుతో జరిగిన మ్యాచ్‌లో ఫీల్డింగ్‌ చేస్తూ.. జడేజా గాయపడ్డాడు. అయితే ఇందులో నిజం ఉండకపోవచ్చని.. కావాలనే.. జడేజాను సీఎస్కే దూరం పెట్టిందనే వాదన సోషల్ మీడియాలో చర్చ జరుగుతోంది.